掃呢頁CODE去手機

2015年7月23日 星期四

王敏奕曾國祥 日光浴連環嘴 [壹週刊 - 1324] 王敏奕,曾國祥,M1,



曾國祥王敏奕拍拖到淺水灣沙灘曬日光浴,邊行邊嘴,煙韌到爆。

探熱針

王敏奕曾國祥 日光浴連環嘴

只有二十三歲的王敏奕( Venus),前年成功「馴服」曾志偉大仔曾國祥後,便立志成為「曾家新抱」,但就算深得未來老爺歡心, Venus未敢鬆懈,尤其明知曾國祥多女埋身, Venus幾乎將所有工餘時間,將男友 mark到實一實。早前兩個拍拖到沙灘曬日光浴,其間 Venus嗲功盡出,同男友行到邊、嘴到邊,冧到曾國祥暈陀陀。

男友變龍友

當日下午,二人先到沙灘附近的餐廳開餐,其間 Derek曾國祥不停撩女友傾偈,氹到另一半笑到四萬咁口,之後還主動嘟長個嘴錫女友。醫飽肚,男方負責簽咭埋單,臨走前二人又再嘴嘴,完全旁若無人。

兩個手拖手散步到沙灘,一到埗,又嘴,仲要打孖上,錫少陣都唔得。招呼完女友, Derek開始脫下上衣,準備日光浴,而身穿藍色連身裙的 Venus,第一時間拎防曬噴霧不停搽,搽搽吓,突然將手機遞俾 Derek,吩咐男友扮龍友,從多角度又踎又跪幫自己影靚相。

大部分時間都著住連身裙,但 Venus突然大解放,除剩粉紅色比堅尼泳衣,又索又 sexy。

正宗港女

做好防曬功夫, Venus終於脫下身上的藍色連身裙,著住粉紅色比堅尼曬日光浴,其間像港女般,不停拎住手機 selfie放上 Instagram。大約十分鐘後,怕曬黑的 Venus穿回長裙,丟低男友响沙灘,自己一個到附近餐廳歎咖啡、食蛋糕,當然唔少得繼續拎住電話 selfie。

至於一支公歎日光浴的 Derek,雖然沙灘上不停有身穿比堅尼的索女經過,但他不為所動,視線完全冇離開過手上的書本。約半小時後, Venus返回沙灘會合男友,當時 Derek正在穿回沙灘褲, Venus見狀即出手幫男友扯褲頭,好細心。

據知,冧功一流的 Venus,除了氹到男友千依百順,亦深得「未來老爺」曾志偉歡心,連衣食住行都照顧得妥妥當當。

「 Venus屋企冇錢,又要照顧阿媽同細佬,所以志偉同 Derek講,如果對人認真,就要照顧人,等佢有好嘅生活,所以而家 Venus嘅生活費都係由 Derek負責,志偉連架車都俾埋佢揸,可想而知佢有幾錫呢個小新抱。」知情者透露。

見到男友露出腰間鬼祟肉, Venus立即出手幫他拉高褲頭遮住。

臨走時 Venus不忘檢查比堅尼有否移位,小心至上。

為幫女友多角度影靚相放上 Instagram, Derek不惜單膝跪地。

中途 Venus丟低男友先行離開,得番 Derek一支公繼續曬。

歎完日光浴,二人步行去攞車離開。

帶挈屋企人

曾自揭家貧,一家四口住百呎公屋的 Venus,十六歲開始就做兼職 model搵錢養家。但自從搭上 Derek後, Venus從此脫貧,日常生活有男友照顧,工作方面,電視電影廣告幕前機會不斷, Venus有齊事業愛心,同時亦大大改善家人的生活。

Venus雖然已撤離公屋,但時不時會約埋媽咪、細佬行街食飯。早前三人便到太古廣場超市入貨,八歲的細佬非常活躍,推住手推車跑嚟跑去冇時停, Venus就同媽咪邊行邊傾偈,買完雪糕氹細佬, Venus再幫媽咪買了大堆糧食及日用品後負責埋單,果然孝順。

當日二人先到沙灘附近的餐廳醫肚,曾國祥全程視線離唔開女友,冧到暈。

食食吓,二人又忍唔住當眾嘴嘴。

Venus發揮「港女」本色,開餐時不停 selfie,相機食先。

Venus深得「未來老爺」曾志偉歡心,除咗開戲擔正做女一,仲泵水照顧埋衣食住行。

早前 Venus同媽咪帶住八歲細佬到太古超市 shopping。

星級沙灘

曾經被譽為「最美麗沙灘」之一的淺水灣泳灘,以水清沙幼見稱,加上平日人流不多,成為不少明星、名人夏日拍拖勝地。

蕭正楠 黃翠如

去年蕭正楠撇甩舊愛何傲芝搭上黃翠如,二人被拍得到淺水灣泳灘拍拖睇日落,男方更公然索吻,之後兩個手拖手玩踢浪,非常浪漫。

霍啟剛 郭晶晶

郭晶晶與霍啟剛戀情剛萌芽時,被發現到淺水灣沙灘手拖手漫步,還一個椰青兩份飲,好浪漫!

Rosemary

Rosemary與意籍男友 Christopher到淺水灣拍拖日光浴,二人情到濃時在沙灘又啜又摷兼互摸,當同場泳客透明。

鍾意就快D Share啦!