掃呢頁CODE去手機

2015年7月10日 星期五

豆花妹撈米線財困想上市 疑教加盟商造數





其他影片:>>






廿餘歲新移民青年麥泳豪及張超去年憑在無綫節目《我要做老闆》贏出,獲贈20萬元「起動基金」,創立「豆花妹撈米線」,並聯同中介公司「新世紀創業顧問」,以特許經營模式招攬投資者加盟開鋪,短短1年間以特許經營模式狂開9間分店,但因管理不善至今欠債70多萬元,旗下分店加盟商也紛紛結業離場。《蘋果》調查發現,麥、張兩人為求填數,聯同中介公司誘使加盟商再注資,更聲稱正計劃偽造單據「造數」上市。有律師指有關行為涉串謀詐騙及教唆偽造帳目,建議報警處理。

記者:梁御和

二人在葵涌開設食物工場,向加盟商「一條龍」供應食材,前後投資逾百萬元。加盟商馮先生去年9月在尖沙嘴開店。除繳付14萬元加盟費外,合約也規定只可向豆花妹工場訂購食材。馮稱,對方口頭承諾食材售價只佔營運成本3成半,盤算後認為有利可圖。開業1個月後卻發現倒蝕3萬元,「睇番清楚盤數,原來食材來貨價俾佢哋所講貴好多,成本要佔4成半,追問下佢先話承諾嗰3成半淨係指米線,唔包小食同醬料,又話其他舖都賺大錢,營運冇問題。」

到今年5月,馮仍持續月蝕數萬元,故決定「違約」改賣其他串燒小食,反而首次錄得2萬元利潤,但因累積虧損50多萬元,決定結業。他接觸其他加盟商,發現眾人也遇上同樣情況。其中荃灣、太子及天水圍的加盟商分別在今年中結業或找人「頂手」離場;元朗店更索性拆走豆花妹招牌,改營其他小食生意。

馮之後再接到新世紀來電,指豆花妹急需資金周轉,游說馮入股投資,《蘋果》記者以拍檔身份偕同馮出席商談。見面期間,老闆之一的麥泳豪坦言經營不善,欠下銀行及貨商逾70萬債務,又稱「7月冇問題(維持經營),8月就唔知喇。」

新世紀代表郭浚庭在旁吹噓,建議馮注資100萬元購入豆花妹49%股份,揚言正計劃將豆花妹上市,指「全線集團每個月要做416萬數,或者打單、係打單,打多416萬」,便可「砌靚盤數」上市,「家講緊一隻殼最新成交價係3億3(創業板),如果我哋砌夠2億上去,一上去就炒高50%。」

眼見記者面露疑惑,他進一步稱已問過「數佬」,「佢幫我哋諗掂佢」,指現時分店每月營業額逾十多萬,只需開夠20間分店,再每間推高營業額至20萬元,「自己打單入數、攞返屋企食自己搞掂佢啦,咁我哋已經夠數(上市)......到時呢一枱嘅人就係上市公司嘅board(董事會)!」

大律師陸偉雄指,上述行為已構成串謀詐騙,「即係佢計劃做犯法行為,想搵埋其他人入局,有意圖已經構成(罪行)。」建議交警方調查,以免有其他市民受害。律師黃國桐指,上述說法已涉及串謀及教唆偽造帳目,最終能否被定罪,要視乎當時當事人提出計劃時的詳細程度。

記者事後表露身份致電麥泳豪,詢問豆花妹是否將結業。他詫異地稱:「你聽邊個講,好好笑」,稱公司財政穩健,不會結業。但當記者提出當日見面細節,他則改口承認有找投資者,稱「做生意有好多唔同嘅講法......我哋講嘅嘢就係冇證冇據嘅,即係我講啲嘢唔代表我公司講嘅嘢,明唔明?」新世紀代表郭浚庭回應時指「未聽過」豆花妹周轉有問題;拒絕回應有否教唆其他投資者造數上市。

鍾意就快D Share啦!