2015年7月31日 星期五

梁佑嘉 cool媚娘 [忽然1周 - 1044] MW,



媽咪姐

梁佑嘉 cool媚娘

大台啱啱播完嘅《武則天》,入面個個靚女都被封胸,真係嘥晒。好彩,拍戲就 free好多嘞!睇吓有「翻版陳慧琳」之稱嘅梁佑嘉( Abella),呢一年唔唱歌,返咗大陸拍 3D動作片《王者》,嗰件皇后戲服真係「涼浸浸」㗎。

呢套戲由元彬做武術指導,不過 Abella「位高權重」,當然唔使點打,佢話:「其實演繹宮廷嗰種勾心鬥角係最難!跟住就係頭飾同戲服超重,頸椎都勞損。(習唔習慣低胸拍戲?)嗯,夏天心口涼涼哋都幾好,哈哈!不過件衫好多層,都係熱到出熱痱囉。」

估唔到平時密密實實嘅梁佑嘉,谷一谷都幾「胸湧」,但佢話驚走光,狂打底!好鬼熱呢。

Abella出身富貴,不過佢無心跟阿爸做生意,反而喺 2011年出道做歌手,仲攞過唔少新人獎。

《王者》係上年 10月喺河北開拍,預計拍到今年 10月。難得放假, Abella就會包吓餃子,個樣都 OK喎!

鍾意就快D Share啦!
Related Posts Plugin for WordPress, Blogger...