掃呢頁CODE去手機

2015年7月10日 星期五

被 cut戲 趙雅芝執到 [忽然1周 - 1041] 趙雅芝,MW,



俾阿姐搶戲又點,趙雅芝都好敬業嘅。戲中演律師嘅佢,搵大律師老公黃錦燊做私人指導,幾落本喎!

媽咪姐

被 cut戲 趙雅芝執到

趙雅芝為撐王晶,就算要同幾十年嚟冇兩句嘅汪阿姐合作,仍然揀咗《風雲天地》做復出之作。媽咪姐收到風,套劇出街前,芝姐對戲份分配唔係幾開心,話自己被 cut戲。但佢班姊妹唔係咁睇,聽到王晶個名,已經唔多睇好,仲勸佢睇開啲。

依家套劇出咗街,口碑同收視都麻麻哋,佢啲姊妹同媽咪姐講,芝姐今次都覺得自己執番身彩!話晒芝姐戲份唔多,又唔係擔戲嗰個,依家套劇唔收得,點都唔會入佢數囉。所以話呢,有時爭到都未必好㗎!

60歲嘅趙雅芝今次演 52歲嘅黃德斌阿媽。芝姐保養得咁好,好難想像佢哋係母子囉。

有報道話趙雅芝同汪阿姐不和,不過喺《風》劇記招佢哋都有交戲打招呼,只係睇得出汪阿姐鍾意孟瑤多啲。

收視輸贏唔關自己事,趙雅芝周一( 6日)出席晚宴,表情幾輕鬆。

鍾意就快D Share啦!