掃呢頁CODE去手機

2015年7月10日 星期五

唔信邪大裝修  G奶湯盈盈臨盆前喪玩 [忽然1周 - 1041] 盈盈,湯盈盈,MW,



兩外傭侍候

周日( 5日)早上 11時許,湯盈盈帶埋囡囡 Alyssa到愉景新城試玩「 We嘩!充氣嘉年華」,旁邊更有兩位外傭姐姐傍實,貼身服侍盈盈母女。

滾熱辣

唔信邪大裝修  G奶湯盈盈臨盆前喪玩

今年娛樂圈旺生 B,先有陳茵媺、周家蔚、梁詠琪,再有近日剖腹產子的周汶錡,仲有排住隊等生的湯盈盈、鍾麗淇、徐子淇及汪圓圓。

已佗住 7個多月的湯盈盈,預產期是 9月,臨盆前她一於玩到盡,經常帶囡囡 Alyssa四圍去。繼日前與一班好友出海開生日派對後,周日( 5日)本刊再獨家影到湯盈盈挺住 50吋巨肚帶女到「 We嘩!充氣嘉年華」喪玩,上圍暴脹成 G奶的她不時抱女滿場飛。

錢嘉樂為迎接二公主出世,除花逾千萬買多一個單位外,更騰出書房做 BB房,於寶馬山寓所進行大裝修,兩公婆完全無視孕婦禁忌。








剛剛踏入 40歲的湯盈盈,上周由老公、囡囡 Alyssa及一班老友鍾麗淇、周家蔚、佘詩曼、梁靖琪等陪同,出海開生日 party,當日心情勁靚的她勁晒大肚婆比堅尼。

挺 50吋巨肚

佗 B 7個多月的湯盈盈,當日穿上黑色背心,仍難掩其 50吋巨肚。她面形 keep住瘦削,不過手臂略為粗壯。

囡囡扭計

即將 2歲半的 Alyssa錢凱晴玩玩吓突然扭計狂喊,新請的外傭姐姐搞佢唔掂。

媽咪出手

湯盈盈身手相當敏捷,一手就抱起 30磅重的 Alyssa,力的表現。

谷奶升 cup

稍為安撫好囡囡情緒,湯盈盈將 Alyssa放上櫈休息。快將臨盆的湯盈盈因為谷奶,上圍明顯豐滿不少。

大肚婆節目多

錢嘉樂婚後十分重視家庭生活,湯盈盈有了第二胎後,他不時陪住老婆同囡囡外出享受三人世界。早前一家三口去沙灘享受陽光海灘,數日後又再次出動到主題樂園玩雪。

第二胎放輕鬆

3年前盈盈佗住 Alyssa時,由於是高齡產婦,因此起居生活都特別小心。不過有了上次的經驗,第二胎佗得輕鬆得多,加上大部分時間出入都有老公、湯媽媽及工人輪流傍住,湯盈盈相對放肆好多。

周日( 5日)上午 11時許,湯盈盈相約洪天明夫婦及文頌嫻等,帶埋仔女到愉景新城舉行的「 We嘩!充氣嘉年華」。現場所見,湯盈盈面形及雙腳仍很瘦削,但懷孕 7個幾月的肚相當巨大,粗略估計有 50吋。湯盈盈仍身手敏捷,堅持跟住囡囡周圍走, Alyssa亦被現場的遊戲吸引,玩得相當開心。不過兩歲多的她相當黐身,常常向媽媽撒嬌扭計要求抱抱。湯盈盈抱起約 30磅的囡囡時,甚至將巨肚俾囡囡當櫈坐,十分牙煙。

湯盈盈對 Alyssa永冇 say no,原來是擔心她呷妹妹醋。據知情人士透露:「盈盈為咗唔想 Alyssa覺得佢哋偏心,想生妹妹前帶佢四圍去玩,船 P濕濕碎佢近排成日帶 Alyssa去迪士尼,上個月去迪士尼玩雪嗰陣,個個都勸盈盈唔好入去,驚雪地會跣親,不過佢冇理喎!上個月盈盈更着鬆糕鞋出 show,返到屋企俾人『哦』咗好耐。依家佢唔會為咗貪靚冒險,不過阿女成日扭計要抱,佢都冇法。」

船 P晒比堅尼

6月 30日生日的湯盈盈,上周三出海開生日 party,她大晒孕婦比堅尼,性感程度更勝好姊妹 Toby梁靖琪。

當日除咗一班姊妹外,老公錢嘉樂同囡囡 Alyssa更為壽星女送上蛋糕,一家三口仲互抹忌廉。

為迎接二公主,寶馬山道豐林閣愛巢已經唔夠住,今年 4月尾錢嘉樂以 1,280萬買入同屋苑一個細單位俾外父外母住。早前更將原本的過千呎單位重新裝修。

買新屋俾外母住

湯盈盈照顧囡囡無微不至,錢嘉樂亦十分愛錫老婆,在愉景新城當日,湯盈盈身邊有兩位外傭傍實。知情人士指:「嘉樂嘅事業愈做愈好,搞埋自己嘅『錢家班』!不過個女出世後佢乜都以老婆同個女行先,佢知盈盈又有咗好開心,即 call外父外母由加拿大返嚟,等自己做嘢嗰陣都有人照顧老婆。 Alyssa 8月開始返學喇,佢驚一個外傭姐姐照顧唔掂老婆同兩個女,所以請多個後生啲嘅姐姐幫手。細女 9月就出世,屋企愈來愈多人唔夠住,嘉樂 4月尾用 1,280萬買咗寶馬山同屋苑嘅細單位,俾外父外母長住。佢本身住開個單位就騰出書房做 BB房,依家開始裝修喇!為咗細女出世,亦用咗 5位數字請星級陪月返嚟㖭!」

溫馨大肚相

湯盈盈早前與 Alyssa一起拍攝孕婦照,為求貪靚,盈盈堅持穿高踭波鞋。當日母女不時錫錫,場面溫馨。

婆婆留港湊孫

Alyssa出世時,湯盈盈父母即由加拿大返港幫手湊孫。今次都唔例外,知道盈盈有第二胎,兩老即留港長住照顧,更不時陪住女兒及孫女出入。

嘉樂隨時停工

錢嘉樂正為電影《寒戰 2》擔任動作指導。據知他接戲時已先旨聲明,一切以家人為先,細女出世會立即停工一段時間。另外,他將會為無綫主持《超強選擇 1分鐘》遊戲節目,原本他想推掉,不過無綫非常有誠意,承諾盈盈生得會放他入產房陪產。

日前錢嘉樂接受訪問表示:「節目出街第一個星期一定會出現節目,但之後要睇吓會唔會同《寒戰 2》撞期,加上準備要接生,仲要幫 Alyssa買書包、度吓接送返放學路線,好多嘢做。」看來這兩個月錢嘉樂會忙到甩轆,做足三陪「陪產、陪月、陪湊女」!

錢嘉樂狂搵奶粉錢

錢嘉樂近半年馬不停蹄 job接 job,以往他一年只專心為一部電影任武術指導,但今時唔同往日,要養兩個寶貝女,做少啲都唔得。最近他拍了一套電視劇、接了一個節目主持、及電影《寒戰 2》的武指工作,保守估計近半年已搵超過 482萬。

JT似足哥哥 TJ

周日( 5日),愉景新城舉行的充氣嘉年華,現場除了大肚盈盈外,還有洪天明一家四口。

估不到功夫了得的洪天明,手抱細仔 JT時是如此溫柔,慈父一面表露無遺。

話明親子活動,洪天明不單對細仔呵護備至,同時亦沒冷落大仔 TJ, TJ扭計要玩充氣滑梯,洪天明二話不說抱起一齊滑下去。

兩個幾月大的小 JT,與 2年前的哥哥 TJ成個餅印,單睇相一定會誤以為係孖仔㖭!

鍾意就快D Share啦!