掃呢頁CODE去手機

2015年7月10日 星期五

新牌仔 G.E.M.揸豐田 辣妹龜速行駛 [忽然1周 - 1041] G.E.M.,G.E.M,鄧紫棋,MW,



上月 27日, G.E.M.向本刊表示自己剛取得車牌,但被問到駕駛技術如何?她想了一想,才邊𢱑頭邊說:「還可以。」

娛樂喧

新牌仔 G.E.M.揸豐田 辣妹龜速行駛

聲言今年會上太空的 G.E.M.(鄧紫棋),未上太空船先學車,早前更考到車牌。不過,別以為外表是「小辣椒」的 G.E.M.手車好辣,原來新牌仔的她習慣在公路龜速行駛,睇落仲好「騰雞」。

相反,玉女掌門人 Stephy(鄧麗欣)外表嬌滴滴,不過早前她載母親去食飯,揸住架 120萬嘅「波子」跑車。她同記者打完招呼,即踩油極速離開。薑是老的辣,揸車都一樣。







鄧紫棋( G.E.M.)最近參加內地真人騷《極速前進 2》,與閨蜜張芸京合作。節目中,二人接到任務後開車,冇國際牌的 G.E.M.當然不能揸車,而駕車的張芸京,手車一樣唔掂,一上車已經錯漏百出。在旁的 G.E.M.愈幫愈忙,本來想幫張芸京調校 GPS(導航),但調極都唔掂,原來兩個大頭蝦開了車後一直開住煞車掣,輪胎更冒煙險些起火, G.E.M.嚇到花容失色。幸得旁邊的外籍司機教路解圍,兩人才成功脫險。

G.E.M.曾透露原定去年十月考車牌,可惜她要往德國做太空人訓練的節目,故延至今年三月才考。早前有讀者向本刊報料,指「新牌仔」的 G.E.M.在何文田馬路以龜速行駛。該讀者表示:「我喺巴士度,見到前面有架 Toyota行得好慢,仲俾我架巴士過頭。我望一望司機至知係阿 G.E.M.,佢個樣都好騰雞!」

內地真人騷《極速前進》源自艾美獎得獎節目《 The Amazing Race》,每集參賽者要負責不同任務。內地版第二季找來不少港星演出,除了 G.E.M.與楊千嬅夫婦,曾志偉父女都有份。

愈幫愈忙

G.E.M.與張芸京是一組,張芸京開車,冇份揸嘅 G.E.M.指手畫腳教路,但就愈幫愈忙, G.E.M.仲大唱〈紅日〉抒發感情,勁搞笑。

晒揸車照被插

G.E.M.自《我是歌手》後,身價十級跳,但由於只是「新牌仔」,故只買了一架價值 22萬的 Toyota Prius C代步。雖然手車認真麻麻,不過「國際 G.E.M.」揸車霸氣十足。去年開始學車的她,兩度在網上晒揸車相,被網友指她涉嫌駕駛時違規使用電話,以及在交通燈前停車自拍。「我哋都有提過 G.E.M.唔好 post揸車相,佢仲猛話覺得冇問題。佢做嘢又忙,學車時間唔多,加上佢個人又比較大頭蝦,所以我哋冇人敢坐佢架車!」 G.E.M.密友說。

晒揸車相

最近取得車牌的 G.E.M.,在網上晒揸車相,不過她刻意唔影車廂, fans只見到軚盤上的 Toyota標誌。

22萬戰車

G.E.M.駕駛的 Toyota Prius C價值 22萬, 1,800cc,唔算辣車。

疑似犯規

去年學車的 G.E.M.晒車照,但被網友質疑她在馬路上停車拍照,觸犯交通條例。

G.E.M.在微博 post《極速前進》的照片,都只限於和其他明星合照。這張車廂照,她都是坐在乘客位置,沒有揸車。

鄧麗欣情侶車牌

至於玉女掌門人鄧麗欣( Stephy),離開香港兩年北上掘金,更豪氣話:「內地拍劇賺到的,在香港一定賺不到。」難怪 Stephy生活愈來愈富貴,繼進駐大埔豪宅比華利山獨立屋後,去年又豪擲 120萬元購入一架白色保時捷,車牌字頭「 SF」,代表「 Stephy and Fong(小方)」,甜蜜到漏。

早前 Stephy用保時捷車埋阿媽去大埔茶仔食午餐。當她發現記者後,打完招呼就匆匆上車踩油絕塵而去。現場所見, Stephy駕駛手法純熟,明顯對自己的駕駛技術信心十足。

辣妹 G.E.M.揸車「騰雞」,玉女 Stephy就擅長揸辣車,所以幾時都話,人不可以貌相!

上月 10日, Stephy駕駛 Porsche Cayman S,同阿媽去大埔屋企附近嘆茶仔,離開時她仲親切地向記者打招呼。

120萬辣車

Stephy駕駛的 Porsche Cayman S在國際屢獲殊榮,油缸容量 3,400cc。現場所見, Stephy駕駛技術高超純熟,一踩油,跑車轉眼就絕塵而去。

玉女愛辣車

唔少玉女揀座駕都情傾辣車,真係估佢唔到。

阿佘愛 Benz

佘詩曼一向鍾情跑車,早年她已經一擲百萬豪買 Benz E-Class代步。

楊怡揀 Land Rover

楊怡早年買入 Benz,近年就改用 Land Rover。

胡杏兒揸凌志

同是視后兼外表乖乖的胡杏兒,一直揸開凌志 IS250。

Angelababy獲林寶

黃曉明知老婆愛辣車,去年送價值 230萬的林寶堅尼跑車給 Baby做生日禮物。

鍾意就快D Share啦!