2015年7月24日 星期五

邊個敢 hurt女神? 高 Ling中環斜晒 [忽然1周 - 1043] MW,



媽咪姐

邊個敢 hurt女神? 高 Ling中環斜晒

嗱,一醉解千愁呢個道理,食鹽同食米都唔少嘅媽咪姐絕對清楚明白,不過連女神高海寧都要去蘭桂坊買醉喎,講你都唔信啦,吓話。







是咁的,高 Ling最近拍緊大台新劇《愛情食物鏈》,要扮賣魚妹劏魚、劏田雞,好高技巧喎。呢晚,就拍佢俾男朋友飛,一個人去中環自隊咁囉!揸住支假威士忌嘅佢,開頭都行到直線,但飲多兩啖就跳 step斜咗,仲挨埋一邊做「柱」女,啲演技真係淺白又易消化呀。

講真,雖然話拍戲,其實都好少人會拎住支威士忌自隊,好傷身㗎!

高 Ling的確係入戲嘅! 9點幾之嘛,佢就口擘擘放蚊,唔通佢真係堅隊咗少少酒?

高 Ling稍後會同金剛拍一場牀戲,但日前就先拍一場落雨濕身戲熱吓身先。咦!益晒金剛㖭。

鍾意就快D Share啦!
Related Posts Plugin for WordPress, Blogger...