邊個敢 hurt女神？ 高 Ling中環斜晒 [忽然1周 - 1043] MW,

媽咪姐

邊個敢 hurt女神？　高 Ling中環斜晒

嗱，一醉解千愁呢個道理，食鹽同食米都唔少嘅媽咪姐絕對清楚明白，不過連女神高海寧都要去蘭桂坊買醉喎，講你都唔信啦，吓話。

其他影片：>>失戀高 Ling醉爆中環

是咁的，高 Ling最近拍緊大台新劇《愛情食物鏈》，要扮賣魚妹劏魚、劏田雞，好高技巧喎。呢晚，就拍佢俾男朋友飛，一個人去中環自隊咁囉！揸住支假威士忌嘅佢，開頭都行到直線，但飲多兩啖就跳 step斜咗，仲挨埋一邊做「柱」女，啲演技真係淺白又易消化呀。

講真，雖然話拍戲，其實都好少人會拎住支威士忌自隊，好傷身㗎！

高 Ling的確係入戲嘅！ 9點幾之嘛，佢就口擘擘放蚊，唔通佢真係堅隊咗少少酒？

高 Ling稍後會同金剛拍一場牀戲，但日前就先拍一場落雨濕身戲熱吓身先。咦！益晒金剛㖭。

鍾意就快D Share啦！

下一篇 》