雙手抱得
阿田同爸爸媽媽，仲有姪仔一齊行街，睇落阿田皮膚白滑， keep得幾好喎！
媽咪姐
田蕊妮 OT湊 B
嗱，人生就係要積極樂觀啲，就好似田蕊妮，喺亞視做到曉飛都冇人識，但努力總會被看見！自從佢過檔大台，即刻被力捧，劇接劇呀。最近又有新劇《鬼同你 OT》出街，收視好過套合拍膠劇《風雲天地》多多聲！講真，阿田勝在夠入屋，同胡定欣夾得又好又自然。我哋香港人真係識睇劇㗎囉！
講番 37歲嘅阿田，佢事業有成，老公杜汶澤拍戲又有番咁上下成績，睇落好似好幸福美滿，不過又硬係差啲嘢咁，差啲咩？之唔係小朋友囉！
早年阿田兩公婆有共識話唔生，不過佢「口裏說不，身體卻很誠實」。日前媽咪姐喺銅鑼灣見到阿田唔使開工，都「開 OT」陪爸爸媽媽行街街，佢仲全程抱實姪仔唔放，啲母愛洋溢到呢！查實小朋友真係好鬼 cute，你哋又養得起，快啲同老公仔傾吓，調整吓生育大計啦。
視后出手
《鬼同你 OT》首周收視有 26點，比扮勁大製作嘅《風雲天地》多成 4點！咁又係，睇視后田蕊妮同攞過大台最佳女配角嘅胡定欣「一人一鬼」同步做動作嗰種合拍，已經好正！阿田話呢場戲拍咗 4次先做到，「在場嘅人都睇到拍晒手！話我哋好似 twins咁呀。」
阿田兩公婆都信佛，佢前兩日 post咗段活佛嘅說話，話做人「沒有天長地久的幻想，反而有意想不到的解脫，我們的關懷與愛心變得沒有附帶條件」，難怪佢咁錫小朋友啦。
|
鍾意就快D Share啦！
|
|
|
