1麥明詩「除草」不力「毛」啦啦獻醜
12位港姐首度以泳裝會傳媒，大熱1麥明詩卻以「毛」敵姿態出場下身露毛，其他佳麗亦相繼失守，3羅丹虹及7吳佩欣下身現形。不過擁22吋蛇腰的吳佩欣就弗到漏油，與另一熱門4龐卓欣齊齊晒腹肌，戰鬥格上陣！
麥明詩清減不少，未料泳褲走位。
龐卓欣與吳佩欣（右）狀態好，更齊晒腹肌。
陳靜儀直認上圍縮水。
林凱恩郭嘉文瘦到現胸骨。
郭嘉文
羅丹虹是十二位佳麗中最高挑。
城中熱話，《2015香港小姐競選》12強佳麗昨午首次齊齊以泳裝亮相，於沙田一間酒店行Catwalk，美中不足是泳衣款式較「密實」，雖然是兩件頭能讓佳麗騷纖腰，但上身是Ruffle Top款式，未見波濤「胸」湧之效。一直被視為大熱的「十優狀元」麥明詩，卻在眾目睽睽下「毛」啦啦失守！雖然挺胸收腹，但三圍32.5、22、33的她除了明顯減磅致胸骨現形外，更被發現下身露毛，認真尷尬！事後她察覺相當驚訝，隨即又9秒9極速收拾心情說：「希望大家焦點唔放喺嗰度，事前已經做好防走光，但意外都係發生。（之前喺日本排舞都走光？）自己粗心大意，下次一定會注意好！」
增磅失敗阿媽心痛
放眼12位佳麗，麥明詩可算是瘦削之最，但不覺過瘦，並說：「燕瘦環肥啫，自己正常飲食，都係瘦咗啲啲。（壓力太大？）依家比之前輕鬆咗。」問到會否考慮增肥應戰，她說：「試過，但係失敗。（屋企人心痛？）媽咪特別心痛！」對於今次的泳衣款式，她更是舉腳贊成：「密實都係好事，之後會有更多驚喜。」談到被起底公開陳年比堅尼照時，她說：「出現番都覺得奇怪，參選嗰陣已經Delete咗。」
羅丹虹下身現形
由於泳衣質地料薄，羅丹虹及吳佩欣不慎下身現形，防不勝防！5呎7吋的羅丹虹是最高挑的佳麗，行Catwalk台型十足，而吳佩欣一身古銅色肌膚，更擁腹肌大騷線條美，她自信地表示有賴經常運動及食得清淡，又指各佳麗都進步神速，故現階段亦不能偷懶。她又笑指泳衣過分密實，冇得發揮：「都可以咁講，不過大會都幫我哋做足安全措施！」
而「翻版朱晨麗」10陳靜儀比之前清減不少，她自爆上圍縮水，但堅稱身材最緊要勻稱：「以前少運動，參選後有減肥，上圍細咗都唔可惜。」9郭嘉文則否認激瘦：「同之前差唔多，想食得更健康，體態更完美。（今次泳衣太密實？）第一次都係安全啲好，大家唔使咁大壓力。」而她與「肥版香香」5林凱恩拍照時不約而同玩收腹，結果瘦得胸骨現形。
麥明詩清減不少，未料泳褲走位。
龐卓欣與吳佩欣（右）狀態好，更齊晒腹肌。
陳靜儀直認上圍縮水。
林凱恩郭嘉文瘦到現胸骨。
郭嘉文
羅丹虹是十二位佳麗中最高挑。
|
鍾意就快D Share啦！
|
|
|
