掃呢頁CODE去手機

2015年7月24日 星期五

仲有兩期,要笑住 say goodbye呀! [忽然1周 - 1043] MW,



多謝大家支持呀!

媽咪姐

仲有兩期,要笑住 say goodbye呀!

點解?點解會咁嘅?相信各位學生、 OL、靚太讀者喺周一( 20日)知道《忽周》出版到下個月 7號就會停刊嘅消息,都會有呢個反應!同媽咪姐一樣晴天霹靂!

我哋追咗《忽周》 20年喇,由做女嗰陣開始睇,八吓明星又睇吓 fashion,到結婚生仔,就「 lun」埋親子版,學吓服侍班「小主」。啱啱仲睇到有網友喊住留言話,想第時大個應徵媽咪姐㗎(乖豬,唔好喊)!證明《忽周》真係老少咸宜,好得人鍾意。

奈何天要下雨,娘要嫁人,變幻原是永恆,《忽周》停刊已成定局。不過,媽咪姐同全體員工都會超級非常十分努力做好未來嗰兩期書,陪你倒數。仲有呀,各位姊妹記住上http://www.swpeanut.com自己整番個你至 like嘅《忽周》封面,可以自己寫標題同揀封面相(下頁有詳情),好 funny㗎!如果有鼓勵說話想講,就要快啲上「忽然 1周 Sudden Weekly」嘅 fb粉絲專頁留言嘞。

Tomorrow is another day!我哋要笑住 say goodbye呀!

讀者網友勁不捨

周一( 20日),《忽周》將會停刊的消息一出,各方忠實讀者同網友不斷留言話唔捨得,又問點解銷量咁好都要摺?媽咪姐只好代一眾《忽周》員工講句無言感激,謝謝 20年來風雨同路!

鍾意就快D Share啦!