全城熱爆的娛樂八封新聞 & 時事趣聞 & 生活 + 趣聞
羅霖自認皮膚好，全賴遺傳自媽咪。睇吓羅媽媽啲皮膚，又係幾有彈性喎！
「美魔女」羅霖今年書展出寫真，唔只同班妹妹仔爭客，依家仲加印到第 3版，有價有市，真係威威呀！
媽咪姐都睇過本寫真，佢 keep得咁好，當時都有懷疑過係咪 ps技術嚟㗎？但呢日佢為寫真搞慶功，媽咪姐見到佢，真係嘩咗幾聲。話晒成 50歲又生咗 3個，雙眼冇乜紋，對手又白又滑，同媽咪姐啲廿歲妹妹仔朋友，唔係差好遠。所以做女人真係要向羅霖學習吓，好好保養先會 keep住靚㗎！
Close up啲睇，羅霖嘅眼同雙手，真係冇紋同白滑㗎！
羅霖呢次出寫真，首批就賣咗 4,500本，真係飲得杯落。
