掃呢頁CODE去手機

2015年7月29日 星期三

能屈能伸 《鬼同你 OT》綠葉王密做 肥仔東:凸個頭出嚟先有騷錢 [FACE - 427] MF,



雖然肥仔東外形唔吸引,亦自知唔係靚仔,所以可以在大台拍劇,佢話已經好滿足、好開心。

真面目

能屈能伸 《鬼同你 OT》綠葉王密做 肥仔東:凸個頭出嚟先有騷錢

肥人有肥福,你睇阿 Bob都賺到笑就知近日大台的《鬼同你 OT》,除咗女鬼胡定欣同田蕊妮夠晒合拍外,辦公室內的「高矮肥」溫家偉、 C君和肥仔東都好搶戲。當中肥仔東(何遠東)更係近年綠葉王,《巨輪》、《老表》都有戲擔。

因為身形問題,演藝學院出身的肥仔東喺大台受過人身攻擊,遭 PA羞辱:「點解搵個肥仔做㗎?點解佢咁肥㗎?」又試過俾人攝位:「明明企咗個位,咁人哋就攝咗個位囉,又要因為計騷要凸番個頭出嚟!」肥仔東勝在樂觀,咁咪襟撈囉!

曾就讀香港演藝學院,係王祖藍師弟, 08年被大台睇中正式加入拍劇,可惜等到 12年至等到機會。「 3年幾之後,王心慰(《巨輪》監製)就打電話俾我話有套劇啱我。」

由於身形問題,肥仔東喺排舞前想壓腿,壓極都壓唔落!

《鬼同你 OT》入面,肥仔東拍住大隻仔溫家偉、農夫嘅 C君組成「高肥矮」,俾三位靚女呃感情呃錢。電視圖片

去年台慶,肥仔東和坤哥一齊扮棋,唔少人都覺得嘥咗肥仔東。佢話:「好多人戥我唔抵!」電視圖片

年初喺上海拍《梟雄》,咁啱同馬明住對面房,就咁二人 friend咗,肥仔東仲話佢哋有互相交換秘密添!電視圖片

大茄都夠生活

當年《衝呀!瘦身兵團》中,肥仔東拍住阮兆祥,期間多得祥仔教路,學識走位睇鏡頭。後來肥仔東開始劇接劇,雖然多演大茄,不過出鏡率高,騷錢都夠他生活。「𠵱家張約好 free,每年只需要拍到 6個騷,咁已經完成我嗰年嘅任務喇!雖然我騷 rate唔係好高,但係我量多,一套劇已經有好多個騷,咁實夠生活」

加入大台 7年,肥仔東與阮兆祥、田蕊妮成為好友,馬國明更是好投契的密友。「我哋咩都有講,佢嘅秘密會話俾我聽,我嘅秘密又會講俾佢聽。」

扮史力加呢條橋係肥仔東向祖藍提議嘅,佢話好多謝祖藍 buy呢條橋喎!網上圖片

除咗拍電視劇,肥仔東亦有參與演舞台劇,年初肥姐嘅扮相真係勁似!網上圖片

王心慰(紅圈)係肥仔東(箭嘴)伯樂,全靠王心慰搵肥仔東拍《巨輪》先開始多人識。網上圖片

拍《巨輪》飾演田蕊妮細佬,從此田蕊妮亦叫咗肥仔東做細佬,喺《鬼同你 OT》、《巨輪 2》再次合作。網上圖片

肥仔東有幸喺兩輯《老表》都有演出機會,佢話都好想再跟祖藍學嘢。電視圖片

黐陳豪車有 so

網上圖片

肥仔東拍《鬼同你 OT》期間,由於同陳豪住得近,所以經常黐車坐,因此喺車上經常同陳豪取經。

PA氣都要受

大台人出名勢利眼,加上本身性格冇乜所謂,肥仔東在大台都受過不少辛酸。「明明企咗一個位,咁人哋就攝吓攝吓攝咗個位囉,又要凸番個頭出嚟先有騷計!又試過 PA唔熟我,望到張相以為我着到加大碼,點知到要拍嘅時候件衫唔啱我着,咁就會有啲說話聽吓,『點解你搵個肥仔做呀?點解佢咁肥㗎?』」。

咁受氣法,如果肥仔東出書寫血淚史,可能仲好睇喎!

大隻仔賣雪糕

除咗肥仔東,《鬼》劇仲有另一配角大隻仔溫家偉都好搶鏡。其實溫家偉 08年選港男後於 09年正式加入大台,但一直都係做二打六,最叻係同吳若希傳緋聞,最近在旺角開雪糕店, 28歲仔要開始諗後路

唔少市民都認得大隻仔,佢亦好 nice咁同客人傾偈。

大隻仔呢間雪糕店屬小本經營,爬上爬落呢啲事都要親力親為。

大隻仔喺外國引入咗呢隻曲奇餅雪糕,賣相都幾吸引!

鍾意就快D Share啦!