2015年8月13日 星期四

未婚夫包埸 賀胡杏兒做老闆 [壹週刊 - 1327] 杏兒,胡杏兒,M1,



新鋪開張當晚,胡杏兒的未婚夫 Philip在帝樂文娜公館包場請客,出錢又出力。

探熱針

未婚夫包埸 賀胡杏兒做老闆

盛傳胡杏兒即將做人妻,又做埋老闆,喜上加喜!投資七位數的婚紗店開張,圈中好姊妹胡定欣、胡蓓蔚、李施嬅等著晒婚紗谷胸撐場,未婚夫 Philip雖然冇蒲頭,仍出錢出力,即晚包場,請一眾賓客到帝樂文娜公館食番餐,又在 facebook洗版幫手宣傳,大讚未來老婆:我覺得佢係全場嘅焦點!

谷胸撐場

本週一(八月十日),胡杏兒同設計師姚子裕合資的婚紗店「 KEVOLIE」開張,「胡說八道會」一班姊妹們,包括胡定欣、胡蓓蔚、姚子羚、黃智雯、李施嬅,全部着晒白色 tubedress谷胸上陣,非常吸睛。

老闆娘閨密到齊,未婚夫 Philip唔見影,但他的花籃則放在鋪內當眼處。

開張避席,以免婚紗店焦點轉移,但 Philip為撐未來老婆,做埋 PR在 facebook幫手宣傳。

「她(杏兒)即將做老闆,開咗屬於自己嘅第一間鋪頭,同一班識咗好耐嘅好朋友、一位好出名嘅高級時裝、婚紗設計師 Kev合作,準備為所有準新娘打造最完美、最無可挑剔嘅婚紗……除此之外,佢哋都會為客人精心打造屬於佢哋自己嘅獨特晚裝。」 Po文外,還上載了一張杏兒穿上婚紗的照片,再大讚:「我覺得佢係全場嘅焦點!」

「胡說八道會」的一班姊妹,清一色 tube dress谷胸現身,十分養眼。

開張遇着雨,胡杏兒過馬路時非常狼狽。

Philip早前在 facebook po文宣傳婚紗店,又大讚女友係「全場焦點」。

Philip Lee雖然避席記者會,但就送上花籃,放在鋪頭當眼位。

調虎離山

在記者會後,「胡說八道會」班姊妹被安排到洲際酒店歎下午茶,晚上七點,再轉場到帝樂文娜公館開 P,負責出錢慰勞未來老婆閨密的 Philip亦終於現身,為避耳目,先吩咐司機調虎離山,然後急急腳跑入場。

玩到十二點, Philip以男主人身份在酒店門口送客,之後安排司機將七人車泊近門口,阻擋傳媒視線,胡杏兒和 Philip再前後腳上車走。

為避耳目,胡杏兒同 Philip前後腳步出酒店。

李詩韻、馬賽等離開時腳步浮浮,似乎飲咗唔少!

玩到 12點, Philip以男主人身份在酒店門外送客。

撰文、攝影、攝錄:娛樂組

nextplus.nextmedia.com

鍾意就快D Share啦!
Related Posts Plugin for WordPress, Blogger...