掃呢頁CODE去手機

2015年8月13日 星期四

知驚未 吳家麗幫 Eric Kwok開齋 [壹週刊 - 1327] Eric Kwok,吳家麗,M1,



姦屍鏡頭睇落好肉緊,實情場面尷尬, Eric Kwok一拍完,即時彈開玩自閉。

探熱針

知驚未 吳家麗幫 Eric Kwok開齋

Eric Kwok(郭偉亮)因為同《 Iron Man》男主角羅拔唐尼( Robert Downey Jr.)好鬼似,成功換來廣告合約,亦因此被《有客到》的導演吳家麗睇中,搵他做姦屍變態殺手,在電影其中一個單元同索女謝婷婷做對手。

有殺人狂影子

做導演做上癮的吳家麗,拍完《花街柳巷》,緊接開拍鬼片《有客到》,電影以三個單元組成,吳導表示女主角一早有晒心水,反而是男主角令她𢱑晒頭。

「婷婷嗰部分男主角係個變態殺手,我想搵個外表睇落斯文,做完啲變態嘢又唔會好猥瑣嘅演員,但一直搵唔啱心水。有一日睇電視見到 Eric個廣告,覺得佢有幾分《美色殺人狂》男主角影子,後來知佢原來係做音樂,初時都擔心佢未必肯,冇諗過佢幾肯聽人講,又願意試,所以試完造型就拍板搵佢。」吳家麗說。

做導演做上癮的吳家麗,𥄫中 Eric Kwok斯文唔猥瑣,是她理想中變態殺手。

估你唔到,平日斯斯文文的 Eric Kwok,七情上面個樣都幾恐怖。

首日埋位,婷婷睇住 Eric Kwok拍姦屍場面,自言俾對方戀態佬行為舉止嚇親。

嚇窒咗婷婷

首日開工, Eric Kwok同謝婷婷便要埋位拍姦屍戲,做女屍的𡃁模姚紫茵( Bonnie)胸懷 36C。 Eric Kwok要同對方有身體接觸,唔想俾人誤會鹹豬手,他主動要求試位,又講明埋位時會掂到那些部位,先小人後君子。

講清講楚,吳家麗好快拍板收貨,拍攝尚算順利;反而是同場的謝婷婷睇到 O晒嘴,頭幾日開工,同 Eric Kwok保持距離。

「開工未到自己埋位,我都會企喺導演後面睇 mon, Eric個殺人表情真係好喪好變態,睇到打個突,所以頭嗰幾日除咗 say hi同 bye,同佢都冇兩句。」謝婷婷說。

呢場戲導演拍了多次都唔收貨, Eric Kwok事後笑言好在婷婷輕磅先至無咁索氣。

導演嫌婷婷太女性化,於是建議她戴眼鏡擋電眼,仲要打扮得中性啲。

停屍間開工

至於接李心潔棒做鬼后的劉心悠,鬼片接鬼片,今次扮甩頭鬼。頸部幾可亂真的傷痕特技化妝,每次起碼搞兩個鐘,還要經常到停屍間開工。

有晚拍外景,凌晨時分人有三急,心悠搵助手陪到附近的公廁解決,自知鬼 look好嚇人的她,刻意耷低頭,以免嚇親途人,點知離開公廁時同一名路人撞到正,真係撞鬼!

「真係想同嗰個人 say sorry,佢真係以為自己見鬼,但我又趕住埋位,同助手急急腳就走咗去。」心悠 BB說。

Baby John說可以同心悠談情說愛,恨死不少身邊朋友。

圍頸一周的特技化妝好有效果,但每次開工心悠 BB要坐定兩粒鐘,仲搞到皮膚敏感。

撰文、攝影、攝錄:娛樂組

nextplus.nextmedia.com

鍾意就快D Share啦!