全城熱爆的娛樂八封新聞 & 時事趣聞 & 生活 + 趣聞
兩年幾前俾《壹》仔踢爆同前無綫新聞部最索女主播搞不倫戀後，許方輝同樓上嘅太極 Ricky兩種做法，九秒九同周嘉儀斬纜，再用咗大半年時間，氹番提出離婚嘅老婆陳佩琳。
雖然上進周嘉儀已經去咗證券公司做市場拓展部聯席董事，但心有不甘，有指佢離開新聞部前仲不時 WhatsApp甚至打電話去屋企搵許方輝，兼且聯絡埋人哋老婆。明知老婆心中有刺，許方輝搬屋轉環境，又繼續守行為做個好老公。早個禮拜，兩公婆去咗圓方食日本菜，食到咁上下，許方輝走去戲院買定《職業特工隊》飛，之後又撲返餐廳，接埋老婆一齊行過戲院入場。要保住頭家，許方輝緊守崗位。
婚姻一度亮紅燈嘅許方輝夫婦，食完飯再去睇戲，入場時搭住老婆膊頭行，努力做好一切。
「偷食」周嘉儀斷正後，許方輝即時跳船，保住頭家同份工。
nextplus.nextmedia.com
