發哥華強劉華繼 89年《賭神》，相隔廿六年再次碰頭。
同你吟一吟
星爺丹爺投降 避發哥《賭城風雲 3》
仲有唔足五個月，就到農曆新年，安排賀歲檔出籠嘅電影，亦霸定晒位，不過 2016個戰場比 2015更激烈，唔少大片都唔想同《賭城風雲 3》、《孫悟空三打白骨精》仲有《功夫熊貓》正面交鋒，左閃右避。
好似原本想喺正賀歲檔硬撼嘅《葉問 3》，就算有宇宙最強甄子丹×拳王泰臣×當打張晉，都決定提前明年一月頭上，唔敢打到正！至於喺內地點都收嘅周星馳，亦計劃將《美人魚》押後到 2016暑假檔。星爺數口精，嫌個餅太多人分，冇着數。
打硬仗，第二集收過十億人仔嘅《賭城風雲 3》無論製作費同卡士都勁加碼，飾演石一堅嘅發哥今次做埋高進，連同刀仔劉華、龍五向華強，重現廿六年前《賭神》三角組合；華強向佐父子兵上陣外，中國星部《封神榜》因為換走張栢芝，影響拍攝進度要延後，所以索性投一份，做埋《賭城 3》投資者，由對手變成盟友。
|
鍾意就快D Share啦！
|
|
|
