2015年8月13日 星期四

許方輝繼續守行為 [壹週刊 - 1327] 許方輝,M1,



同你吟一吟

許方輝繼續守行為

兩年幾前俾《壹》仔踢爆同前無綫新聞部最索女主播搞不倫戀後,許方輝同樓上嘅太極 Ricky兩種做法,九秒九同周嘉儀斬纜,再用咗大半年時間,氹番提出離婚嘅老婆陳佩琳。

雖然上進周嘉儀已經去咗證券公司做市場拓展部聯席董事,但心有不甘,有指佢離開新聞部前仲不時 WhatsApp甚至打電話去屋企搵許方輝,兼且聯絡埋人哋老婆。

明知老婆心中有刺,許方輝搬屋轉環境,又繼續守行為做個好老公。早個禮拜,兩公婆去咗圓方食日本菜,食到咁上下,許方輝走去戲院買定《職業特工隊》飛,之後又撲返餐廳,接埋老婆一齊行過戲院入場。要保住頭家,許方輝緊守崗位。

婚姻一度亮紅燈嘅許方輝夫婦,食完飯再去睇戲,入場時搭住老婆膊頭行,努力做好一切。

「偷食」周嘉儀斷正後,許方輝即時跳船,保住頭家同份工。

鍾意就快D Share啦!
Related Posts Plugin for WordPress, Blogger...