2015年10月4日 星期日

莊家彬轟五星酒店態度差:歧視中國人! 莊家彬,





其他影片:>>






同傅明憲已成過去,坐擁80億家族資產嘅莊士集團太子爺莊家彬,上個禮拜嫁妹(新聞連結: http://bit.ly/1jFpAbM ),佢觀完禮後,程新惠(Grace)飛嚟join佢去旅行,繼續遊意大利拍拖。

本來同女友拍拖好開心,點知發生掃興事,話說佢哋同朋友一行6人落到米蘭,原本book咗間5星級酒店,點知去到,酒店先至話冇房畀佢哋,搞到平時好斯文嘅莊家大少都喺微博發火,post咗酒店張相,留言大呻:「請大家轉發,來米蘭不要訂這。」

女友Grace當然撐男友,即轉貼廣傳:「氣得要死,欺負我們是亞洲人,真的忍不下去,必須討個公道回來。」之後,莊家彬再留言:「自己生平第一次遇到這種事,欺負我們中國人!」

莊家彬仲用英文交代件事情始末,更用apps翻譯成中文,大概指佢哋由佛羅倫斯落到米蘭,因為晏咗到埗,該酒店就將其訂咗嗰間酒店房間取消,眾人拎埋確認信同付清房租voucher畀酒店,但間酒店未能提供房間之餘,亦冇幫佢哋搵其他酒店。莊家彬怒轟酒店方面唔幫手不特止,仲對亞洲人極不尊重,態度非常非差。

莊家彬今日以WhatsApp用英文回覆《蘋果》,表示佢哋一行6人用咗$36000租住該酒店三間房,共三晚:「我們是循旅行公司訂房,未知道退款安排,我們不是遲了check in,是他們將房間給了別人。」

莊家彬續道:「明白米蘭市有時裝周同世博,有朋友在米蘭訂不同酒店,都遇到類似冇房的情況,酒店職員承認係搞錯,但態度好差,很歧視中國人,又沒有幫助我們搵別的酒店,結果我們要搵到晚上12點先有酒店住。我就有工作要走先,但我有朋友住3晚,要搬3次酒店。」

話說回來,自從莊家彬同傅明憲9年情結束後,好快就戀上來自上海嘅新歡程新惠(Grace);至今年六月,莊家彬更承認兩人今年三月已交往,愛得高調,估唔到今次就連投訴酒店都咁高調,情侶檔貼微博。

莊家彬同女友0係米蘭訂咗酒店冇房瞓,更遭酒店職員態度差嘅待遇。 莊家彬同女友一齊去米蘭玩,點知咁掃興。
甚少喺微博寫post嘅莊家彬,都不吐不快。 女友即撐男友。
莊家彬用英文講返件事。 仲譯埋中文同普通話。
莊家彬妹妹莊家蕙上個禮拜出嫁,莊家彬到當地觀禮後,女友匯合遊米蘭。
鍾意就快D Share啦!
Related Posts Plugin for WordPress, Blogger...