網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月11日 星期三

最後一程 《愛回家. 2》 3月摺埋 黎諾懿馬家回歸歡送 [FACE - 442] 愛回家,黎諾懿,愛.回家,MF,



馬家成員一向感情好,馬壯同郭少芸,再加律師樓兄弟幫張達倫,近來就約埋岑杏賢一齊行山輕鬆吓! 網上圖片

真面目

最後一程 《愛回家. 2》 3月摺埋 黎諾懿馬家回歸歡送

大台爆發藝員逃亡潮,小生花旦排住隊走,搞到擔得起大旗嘅藝人買少見少,好似處境劇《愛.回家》,原本由黎諾懿領軍嘅馬氏一家孭重飛,收視有升冇跌,但新一輯《愛.回家 2》改頭換面後,就再冇呢支歌仔唱!《愛 2》班底轉由張振朗、龔嘉欣同吳業坤等新兵上陣,馬氏一家鐵腳被退下,收視插水是常識吧!

演員救唔到收視,盛傳《愛 2》 3月仲會正式摺埋,而一手湊大《愛》系列,最近盛傳失勢的高層珍姐曾勵珍為挽回面子,據知已經急召黎諾懿、張達倫同馬氏一家回歸劇組,希望唔使臨尾香,有個「 happy ending」!

由黎諾懿孭飛嘅吊命處境劇《愛.回家》,收視有保證長做長有,之但係新一輯《愛.回家 2》就出事演員大轉變,馬氏固定班底被「退下」,轉由張振朗、龔嘉欣同吳業坤等新兵上陣,收視直插谷底, 3月仲會摺埋,對住一手孕育出來的作品,珍姐梗係要出招救亡。

《愛.回家 2》一眾演員冇收視冇口啤,搞到珍姐要搵返「馬壯」黎諾懿同「嚴謹」張達倫救亡,有份拍攝月曆就知份量 網上圖片

大台藝員鬧逃亡潮,高層方面亦出現大地震,先有傳戲劇部總監珍姐曾勵珍失勢,最近盛傳余詠珊接管埋樂易玲打骰嘅藝員部,高層內鬥,好睇過大台膠劇多多聲! 《蘋果日報》圖片

先有「馬壯」黎諾懿同「嚴謹」張達倫重返《愛·回家 2》劇組,珍姐緊接再安排律師樓其他演員回流,不過「阿登」羅天池(右)已經離開大台,相信唔少網民好懷念佢演出! 網上圖片

張振朗喺《愛·回家 2》飾演瑜伽導師兼同龔嘉欣有感情戲份,但其實喺《愛·回家》都有一角,角色明顯重疊咗,睇下到時點拆解 網上圖片

律師樓馬家齊救亡

新一輯《愛.回家 2》,初時原本由張繼聰同黃翠如兩位入屋演員擔正,之不過收視不似預期,觀眾亦反應麻麻,二人最終玩咗兩個月貨仔就孖住退出劇組,緊接由麥長青、張振朗、龔嘉欣同吳業坤等頂上,而新配搭同樣唔見成效,收視仲係得跌冇升嘅慘況,曾一度低至 21點高危位。

鑑於《愛.回家 2》收視長期處於谷底, 大台已經計劃 3月正式摺埋,而最近傳因高層權鬥,輸晒畀綜藝余詠珊的珍姐,一直是處境劇揸弗人,俾人下令摺埋當然嬲,不過形勢比人弱,據知珍  姐亦改變不了《愛 2》 3月收檔命運,惟有召回馬家成員,齊齊「風光告別」。據知黎諾懿同張達倫回歸劇組,二人適逢已完成新劇《純熟意外》拍攝,時間上絕對配合天衣無縫!除咗「馬壯」同「嚴謹」外,劇中馬氏一家成員好似「孻姑」郭少芸、「馬子妮」蔣嘉旻亦係珍姐心水人選,之後會陸續安排重返,希望臨死前都冇咁失威;至於飾演「馬壯」女朋友嘅「尹德如」朱慧敏就冇咁好彩,事關珍姐嫌佢負皮多多,梗係冇份

週一( 9日)本刊致電黎諾懿,佢坦言希望舊班底回歸劇組,「因為新嗰套《愛 2》拍咗 40集,月曆就影埋我哋,你話再返去嘅話就要等通知。返去玩吓都開心嘅!最好馬家、律師樓成班人嘻嘻哈哈熱鬧吓!成班人返去係幾完美嘅一件事!」

除咗「馬壯」黎諾懿,馬氏一家成員好似「馬虎」劉丹、「馬子仁」羅天宇、「馬子妮」蔣家旻都係回歸人選,事關馬氏一家人真係好深入民心㗎! 網上圖片

咪以為人人都可以重返《愛·回家 2》劇組,劇中飾演黎諾懿女友「尹德如」嘅朱慧敏就冇呢個福利,事關負皮多多,珍姐梗係下令唔畀佢回歸。 網上圖片

《愛·回家 2》初時由張繼聰同黃翠如孭飛,網民千篇一律有彈冇讚,負評仲一籮籮,最後只玩咗兩個月就齊齊宣布退出。 網上圖片

雖然有麥長青呢位老將接手《愛·回家 2》,但一樣無助收視上升,最終難逃 3月摺埋慘局。 網上圖片

家散有乜搞?

《愛.回家》一眾演員即將重返劇組,除咗可以 keep住有曝光,爆騷收入亦好和味,事關郭少芸最近仲勁蝕百萬,幫補下對佢嚟講都係好事,而離開大台嘅羅天池梗係唔恨呢啲嘢

馬壯登台拍劇

黎諾懿勝在娶咗個有米老婆,得閒先登台賺下使費。 網上圖片

新劇《純熟意外》中,黎諾懿榮升男二重角,不過拍住主角吳啟華,即時被比下去囉! 網上圖片

「孻姑」執鋪

郭少芸同黃德斌飾演戀人,網民都勁 like㗎!網上圖片

冇劇開嘅郭少芸,最近仲有傳佢瞓身落注一隻股票,搞到損失過百萬,最後要執埋朗豪坊間食肆止血。 網上圖片

阿登走人

因為鄭世豪上載合照,大家先知「阿登」羅天池原來已經約滿兼離開大台,仲大嘆自己冇後台難上位添!

採訪、撰文:娛樂組

鍾意就快D Share啦!


Related Posts Plugin for WordPress, Blogger...