2015年11月12日 星期四

【最新】一個月讀完大學學位?蔡思貝連答9次:我要了解下 蔡思貝,





其他影片:>>






《蘋果》獨家踢爆嶺南協理副校長夏迪星透過嶺大校董李以力開設的國力書院(Lifelong College)取得菲律賓國立太歷大學的博士學位,而有關國力書院的醜聞,更牽涉到娛樂圈中人。

消息透露,港姐亞軍蔡思貝透過國力書院報讀菲律賓一間大學的學士課程,僅兩個月後就極速畢業獲頒證書。

雖然菲律賓比立勤國立大學(BSU)文件稱蔡思貝是在2010年入學,但她當時在德國留學,於2013年6月趕回香港選港姐,當時她在德國仍未畢業。

奇在蔡思貝在2013年10月,即當選不久,透過國力書院報讀BSU的工商管理學士課程,並於11月讀完,12月獲頒證書,極速畢業。翻查蔡之報名表,日期一欄填上「2010年2月」,並有簽名核實;至於BSU發出的課程紀錄,亦列明蔡在2010年3月入學,並於2013年11月完成修讀19個科目。難道蔡思貝識分身?

今日蔡思貝在將軍澳電視廣播城回應傳媒查詢,蔡思貝支吾以對,一概以「我要了解清楚件事先」,拒絕正面回應。另無綫下午五時將舉行記者會,據知蔡思貝不會出席。較早時候曾醒明回覆傳媒查詢時,就指無綫有翻查蔡思貝參選港姐的證明文件,當時蔡報稱在德國一間大學讀year 1,同大台之前公佈的一樣,對外亦公佈其大學生身份,但就不願回應有關蔡思貝的學歷問題。

蔡:蔡思貝  記:記者

記:係咪喺BSU讀咗兩個月就畢業?

蔡:我覺得我想了解清楚件事先,暫時唔回應住。

記:是否透過國力報菲律賓大學?

蔡:我都係唔回應住,因為我想了解晒成件事先。

記:律師指如以不當手段取得學士學位,再報讀碩士,有觸犯詐騙罪之嫌,最高判囚14年喎

蔡:所以我要了解下先。我本身唔係好清楚,想了解下先回應。

記:可否講得具體少少?

蔡:因為我唔清楚,所以我想了解清楚先。

記:此刻心情如何?

蔡:未知,因為我真係要了解下,一路都開緊工。

記:藝員科同埋高層有冇搵你?

蔡:因為件事都係啱啱發生,我都係開緊工先至知。

記:屋企人有冇搵你?

蔡:未。

記:警方有冇聯絡你?

蔡:未諗到

記:怕唔怕影響工作?

蔡:一直都努力工作,繼續努力。

記:覺得自己喺呢件事上有冇做錯?

蔡:我要了解下。

記:可否講得具體啲?有定冇你自己知0架嘛?

蔡:因為件事比較複雜,我想了解清楚啲先回應。

記:喺德國讀書?

蔡:我係由德國返嚟,13年選完港姐後,我一路工作。

記:可否講得具體啲?即係有冇報讀過?

蔡:來龍去脈要睇番段文,要了解下。

記:可擔心此事影響港姐名次?

蔡:冇諗咁遠。

蔡思貝今日如常返大台開工。 似乎未有受「國力書院」醜聞影響。 蔡思貝入大台後,一直受力棒上一線。(無綫電視圖片)
2013年參選港姐。(資料圖片) (無綫電視圖片) 當時被指係大熱…(資料圖片)
(資料圖片) 蔡思貝喺圈中人緣都唔錯。(資料圖片)
鍾意就快D Share啦!
Related Posts Plugin for WordPress, Blogger...