熱爆娛樂: 梁家輝攔路　索孖女冇行 [壹週刊 - 1340] 家輝,梁家輝,張家輝,M1,

2015年11月12日星期四

梁家輝攔路　索孖女冇行 [壹週刊 - 1340] 家輝,梁家輝,張家輝,M1,

熱褲晒長腿，再戴埋副超， Chloe星味十足。

探熱針

梁家輝攔路　索孖女冇行

梁家輝同老婆江嘉年結婚廿八年，一對 24歲孖女梁穎晨（ Nikkie）同梁靜禧（ Chloe），有樣有身材，索爆！經常將三點式性感相放上 ig的孖女，在加拿大讀完書後，處心積慮入行，早前更一齊亮相品牌活動。孖女長期受網民關注，大有條件入行做星二代，可惜過唔到老豆梁家輝一關，將入行計劃硬停。

扮民主

長期在外國生活，梁家輝一對孖女性格開放，經常在 ig大方分享比堅尼、攬仔相，是網絡紅人。老豆係影帝，在娛圈脈絡廣，兩姊妹一直有意闖娛樂圈，亦有唔少品牌主動搵上門，力邀出騷拍廣告。

初時，梁家輝扮民主，開晒綠燈話：「佢哋嘅路等佢哋決定，順其自然！」但最近又突然改口，態度一百八十度轉變，提到孖女入行一事，他堅決地說：「完全冇考慮過！都冇聽過佢哋想唱歌拍戲。」

其實由細到大，梁家輝對孖女都採取高度設防。

「家輝唔想對女成為追訪對象，所以細細個就送佢哋去加拿大讀書，避開香港傳媒；而家未入行已經咁多新聞，佢就更加唔鍾意。過去半年，好多品牌搵孖女出騷，家輝兩公婆都睇得好緊；上次去 Dior個 party，亦講明唔俾兩個女著得太性感。」知情者透露。

出發去加拿大拍戲前，梁家輝抽時間同老婆、細孖 Chloe去置地 high tea。

早前， Chloe去布吉旅行，例牌著三點式晒身材。

去年一家飛去峇里出席鍾鎮濤范姜婚禮，孖女比堅尼上陣歎日光浴，索爆！

早前梁家輝為《寒戰 2》開工，拍攝槍戰場面時，曾一度被居民誤會以為打劫。

一齊扯

老豆攔路，入行冇咁易。畢業返港差不多一年的孖女，惟有乖乖搵工，大女 Nikkie已經有着落，細女 Chloe就繼續量地。

剛拍完新片《寒戰 2》，緊接要飛加拿大為一部西片埋位的梁家輝，上星期把握時間，「一拖二」同老婆囡囡家庭樂。

一家三口在中環置地食完嘢後行去攞車，繑實媽咪雞啄唔斷的 Chloe熱褲晒長腿，相當吸睛。

梁家輝唔想女兒入行，不過，食煙就冇問題！兩父女上到車，各自扯煙，坐後座乘客位的 Chloe更絞低車窗，免得焗親唔食煙的媽咪江嘉年。