鄭俊弘剪走衰氣 [壹週刊 - 1340] 鄭俊弘,M1,

剪短加埋 gel咗頭，鄭俊弘睇落醒神好多。

同你吟一吟

鄭俊弘剪走衰氣

人有三衰六旺！明明行緊運，點知轉頭成個形勢突然唔同晒，呢種 chok到你嘔嘅過山車滋味，鄭俊弘應該好了解。

本來今個月中要埋位開新劇《 TV Buddy》，點知撞正高層權力鬥爭，戲劇製作部大地震，有高層認為《 TV Buddy》劇本同演員卡士都唔掂，下令叫停，打窒第一次有機會孭正嘅鄭俊弘。呢個情況，同 01年參加《全球華人新秀歌唱大賽》後簽華星唱片一樣，畫龜幾個月後，華星宣布停業，旗下歌手包括鄭俊弘，全部解約。

運勢上上落落，土法轉運，最簡單有碌柚葉水沖涼；不過鄭俊弘選擇剪頭髮，剪走衰氣！剪完精神爽利，有樣你睇！

泊低車喺禮頓中心，成個蓋咁嘅鄭俊弘行返過去利舞臺廣場 HAIR剪頭髮，一個鐘搞掂落樓。

撰文：八珍

鍾意就快D Share啦！

下一篇 》