熱爆娛樂: 又嫁兩個　王菀之 1128做蘇太　樊少皇娶 JJ [壹週刊

2015年11月12日星期四

又嫁兩個　王菀之 1128做蘇太　樊少皇娶 JJ [壹週刊 - 1340] 菀之,樊少皇,賈曉晨,JJ,王菀之,M1,

今年 9月，王菀之首次同男友 Eric So情侶檔出席活動。

探熱針

又嫁兩個　王菀之 1128做蘇太　樊少皇娶 JJ

今年是娛樂圈喜事年，繼 Angelababy、胡杏兒上岸做人妻後，恨嫁的王菀之，九月中同男友 Eric So（蘇卓航）去日本度假時，終於冧掂對方將自己私有化；趕上車的還有宅男女神 JJ賈曉晨，同力王樊少皇拍拖超過三年，同樣修成正果。兩 pair人於上月入紙排期註冊，恭喜！恭喜！

逼得太緊

三十六歲的王菀之，同有 figure王之稱的 Eric So拍拖兩年，情侶關係浮晒面，出席公開活動，一直將男友掛在嘴邊，永遠有讚冇彈。「心目中冇人出色過佢（ Eric）……佢係大師性格，唔出聲，但腦筋好豐富，唔難捉摸，好欣賞佢……」王菀之說。

感情穩定，過去一年，開始被追問婚期，王菀之一顆恨嫁的心，表露無遺。「佢都未求婚，不過我 ready結婚！」至於 Eric So對住「進擊的 Ivana」，則一直「賴皮」：「提出（求婚）好奇怪，應該係暗暗地表示嗰啲，感覺到就會結婚，唔會事前計劃。」

連日趕戲，在街邊等埋位的準新娘和拍檔方力申呆呆吽吽。

去年王菀之為電影《分手 100次》主題曲拍 MV，父母前往探班，此外，有指 1128婚禮將會在王父任職高層的陽明山莊舉行。

上月 27日入紙排期註冊，二人同樣報稱是藝術家。

愛才的王菀之，一三年從杜如風手上撬走 Eric So，為了箍實男友，拍拖兩個月，硬着陸男友九龍城住所同居，工作時間以外，全面看管再加無定時電話追蹤，杜絕異性埋身。

拍拖一年，終於吵大鑊！王菀之一度執包袱搬返屋企，以退為進，點知男友完全冇表示，唔想散的王菀之惟有扮死狗認低威。

「唔好睇 Ivana講嘢陰聲細氣，其實佢一啲都唔溫柔，港女、大女人有嘅性情佢有齊，一啲都唔易頂。以前啲男友當佢係女王咁服侍， Eric開始都勉強頂住，但拍咗三個月，就同朋友呻到樹葉都落，成日話分手， Ivana又唔捨得，惟有改變自己去配合男友。」 Eric So身邊友人說。

上月中與馮翰銘舉行《王菀之作品賞》後，王菀之隨即埋位為電影《綁架丁丁當》開工。

未埋位，不停同導演錢國偉 selfie。

拍拖兩個月，王菀之去年初已進駐對方位於九龍城的寓所同居。

本週二下午， Eric So同友人食完午飯，到街市買凍肉為晚上打邊爐作準備。

開始動搖

明知男友受軟不受硬，王菀之亦不敢硬碰，加上電影舞台劇演唱會排住隊直落做，令大家多番私人空間，雙方感情反而邁進一步，感情穩定，王菀之開始籌謀做人妻大計。

過去一年，王菀之每次提起自己唔細，想結婚， Eric So都以「下次再傾」溜之大吉，恨嫁但又擔心適得其反的王菀之，於是借傳媒推波助瀾，幫口催婚。眼見身邊朋友紛紛成家立室， Eric So亦開始動搖。

「 Eric一向冇結婚 concept，覺得兩個人走埋一齊開心就得，但呢兩年朋友大部分結婚生小朋友，佢都改咗口風，話有頭家嘅感覺唔錯！」身邊友人說。

拍拖三年， JJ曾不勝小三包袱壓力，一度同力王分手。

上月初， JJ為錢國偉老婆陳宛蔚做姊妹，翌日隨即入紙排期註冊。

同 JJ拍拖斷正後，樊少皇再被爆有個多年女友，二人雖然冇結婚，但卻育有一子一女。

水到渠成

收到情報，王菀之立即抓緊時機，即使忙到甩轆，九月中都照同男友飛日本度假，趁外遊期間，重提結婚一事，結果水到渠成，王菀之氹掂 Eric So做老襯。

為怕對方三心兩意反口，上月在文化中心做完三場《王菀之作品賞》後，拿拿臨走去登記排期註冊，打鐵趁熱。據了解，二人落實於本月二十八日，簽字擺酒結婚。

在國內劇接劇的 JJ，有份演出陳偉霆主演的《蜀山戰紀之劍俠傳奇》，更毫不吝嗇將 G奶谷上頸。

力王掂咗

趕做羊年新娘的還有 JJ賈曉晨，同樊少皇拍拖三年，飽受壓力，分開再復合，兩人的關係愈來愈穩。

近年在內地劇接劇，早前又答應無綫，幫拖拍新劇《末代御醫》的 JJ，雖然多次被男友求婚，但她一直十五、十六揸唔定主意，直至最近陳宛蔚同錢國偉結婚，充當姊妹的 JJ終於被打動，答應下嫁力王，並在錢國偉婚禮翌日，立即去排期註冊。

「之前樊少皇同 JJ求過婚，但佢唔肯應承，覺得自己得三十三歲，仲可以搏多兩、三年。點知上個月幫 Calinda（陳宛蔚）做完姊妹， JJ諗法唔同晒，樊少皇即刻得咗！」 JJ身邊人說。