舊年攞咗香港電影金像獎「最佳男配角」後，張晉事業愈來愈順，搵錢能力，開始貼近老婆。
同你吟一吟
蔡少芬最佳中港通
做咗人阿媽後，試過返大陸拍劇都帶埋囡囡喺身邊嘅蔡少芬，除咗將自己奉獻俾主，其他，就係兩個女。
早個禮拜，蔡少芬同老公張晉難得二人世界，兩公婆喺圓方百老滙睇家電，最後扑槌買咗個三文治機，諗乜做乜，始終離唔開小朋友嘅嘢。
隔兩日，兩公婆帶埋楚兒信兒一齊同朋友食 lunch，雖然有個姐姐幫手推 BB車，但唔想去咁遠，揀咗近屋企嘅圓方平台餐廳搞掂，食完飯差不多三點，張晉陪朋友喺平台扯埋支飯後煙傾多陣，蔡少芬就同姐姐帶兩個小朋友，落商場行書店等。過咗陣，老豆張晉歸隊，跟住一手抱起四歲大女，一家人操返凱旋門。
08年結婚嘅張晉同蔡少芬，可以話係娛圈中港家庭最佳樣辦。
撰文：八珍
|
鍾意就快D Share啦！
|
|
|
