2015年11月11日 星期三

盧頌之醉駕判停牌社服 盧頌之,



(口靚)模盧頌之(DaDa)今年七月涉嫌醉駕,昨日被裁定罪成判罰社會服務令120小時、罰款3,000元及停牌一年。而被DaDa累至車毁兼右上臂骨折的DJ陳達仁對判刑有微言,更黑開有條路,疑遭老千騙逾百萬元!

聽取判決後,DaDa匆匆離去,未有多作回應。

早前被DaDa累到右上臂骨折的DJ陳達仁昨日上載鬈髮近照。

DaDa在兩名男友人陪同下出庭應訊,男友King則未見蹤影。

盧頌之昨日由兩名男友人陪同現身荃灣裁判法院應訊,男友趙勁皓(King)未見影蹤,DaDa見到在場守候的傳媒即以手掩口匆匆步入法院。DaDa在庭上承認控罪,最終被判醉駕罪成,判停牌一年、罰款3,000元及社會服務令120小時,並須於停牌完結前三個月內自費完成強制修習駕駛改進課程。DaDa離開法院時被問到可滿意裁決?她說:「多謝大家關心,知道自己做錯,希望可以貢獻社會。(唔見男友King?)佢有嘢做唔得閒嚟。」事後King以短訊回應:「好幸運,判得好輕,佢亦得到教訓,希望佢知錯,唔好再犯。」

「比想像中輕」

至於當晚因借出胞弟座駕給DaDa,結果車毁兼受傷的DJ陳達仁,昨日得悉DaDa判刑後,即在Facebook留言:「吓!我有冇聽錯?以後可以放心醉駕!」似對裁決有意見。記者昨日聯絡陳達仁,他自言撞車後頭頭碰着黑,不但失去電台工作,還懷疑遇上女老千被騙逾百萬元:「DaDa件事原本當過眼雲煙,但聽到判決比我想像中輕,我唔係一定話要重判佢,但我手骨碎咗,依家連開車門都唔係好得,工作冇埋,仲要供緊架廢鐵(肇事車輛),我覺得個天似懲罰我多啲。」對於DaDa的判刑,陳達仁說:「判佢120小時社會服務令,不如叫佢幫我祈福120小時,祈求我快啲好番,應該仲辛苦啲!」

疑遇老千失150萬

提到他事後曾表示不會向DaDa追討賠償?他說:「佢男友(King)都好大大聲話負責賠償,但咪又冇人聯絡過我,唔通我去乞佢咩!」談到當日DaDa炒車撞毀防撞欄及燈柱,車主及司機有機會被索償,他說:「聽天由命唯一可以做嘅,叫細佬試吓向保險索償。」另外,問到被騙財一事,陳達仁指因公司要找人寫歌,又要籌備與女友本月底到蘇梅結婚,而該女子表示可幫手搵人及安排機票,故他前後給了對方150多萬元,最後卻連人帶錢失蹤。

案件編號:TWCC2922/2015

文:音樂組 

攝:張福宏

聽取判決後,DaDa匆匆離去,未有多作回應。

早前被DaDa累到右上臂骨折的DJ陳達仁昨日上載鬈髮近照。

DaDa在兩名男友人陪同下出庭應訊,男友King則未見蹤影。

鍾意就快D Share啦!
Related Posts Plugin for WordPress, Blogger...