掃呢頁CODE去手機

2015年11月5日 星期四

Kary買定羽絨去旅行 [壹週刊 - 1339] Kary,吳雨霏,M1,



想在事業上再搏殺一段時間嘅 Kary,同老公講掂數,押後造人計劃。

同你吟一吟

Kary買定羽絨去旅行

已經做咗人妻嘅 Kary吳雨霏,恃住出年六月先滿三張,仲有大把 quota,生 B, hold住先。

年頭美國註冊,七月先喺意大利正式舉行婚禮,新婚四個月,仲係蜜月期, Kary同老公 Brian未玩夠,已經 plan定下個目的地。早個禮拜,兩公婆孖咇出動,去咗中環擺花街間 Patagonia買定羽絨同其他戶外用裝備,為出 trip做定功夫。喺鋪頭由厚衫試到鞋,足足搞咗成個鐘,睇啱試啱俾埋錢安排送貨,手 fing fing離開,上車鬆人。

三分三合, Kary最終都係嫁咗青梅竹馬嘅 Brian,緣分嘅嘢,唔到你唔信!

專攻羽絨嘅 Kary,試完背心再試長袖,老公 Brian就繼續幫手揀其他款。

喺鋪頭搞咗成粒鐘,等計數期間, Kary攰到搭住老公膊頭借力。

開埋門俾老婆行先, Brian有風度又細心。

店員安排送貨,大豐收嘅 Kary同老公手 fing fing行過對面馬路上車。

撰文:八珍

鍾意就快D Share啦!