掃呢頁CODE去手機

2015年11月5日 星期四

許志安奉旨肉搏 鄭秀文冇 say [壹週刊 - 1339] 許志安,鄭秀文,安仔,M1,



安仔攞正牌肉搏索爆外籍女模,其中一幕是她穿胸圍胸壓安仔,勁有艷福。

娛樂偵訊

許志安奉旨肉搏 鄭秀文冇 say

娶咗個天后做老婆,過去兩年,許志安唔做小男人,工作加倍搏殺!早前拍新歌《 Hello,你好》 MV,與火辣外籍女模床上胸搏,事前唔使向 Sammi備案攞 permit,因為雙方早有共識,工作需要,無論幾親熱,對方都不准呷醋!

轉移重心拍戲

有黃栢高睇住,許志安去年轉會太陽娛樂文化後,逆市下出了兩張唱片又開演唱會,受寵爆燈。

「 Paco對安仔有情意結,唱片市道咁差,佢仲可以一年出到兩隻碟,師兄(劉浩龍)今年二月過檔,到而家碟都未出到!」知情者說。

據知, Paco一直希望幫許志安在電影圈佔到一席位,收到劇本,總是第一時間考慮是否有角色適合安仔。

「 Paco簽安仔返嚟嘅時候,已經同佢講明唔可以齋唱歌,港產片來來去去都係嗰幾個男演員,佢覺得安仔喺影圈有生存空間,好似邱禮濤部新片《兇手還未睡》, Paco揀咗個好有發揮嘅角色俾安仔,嚟緊亦會陸續安排佢拍戲,可以嘅話,事業重心會轉移去電影。」

十級電力

互相撫摸

MV的外籍索模,本穿背心裙上陣,直到與安仔肉搏,才被他將裙拉到腰下。

同老婆講掂數

另一方面,返內地登台出騷搵長錢的許志安繼續出歌,在新歌《 Hello,你好》 MV中,他與女模互摸,又將女模的背心裙拉到落腰,再同對方胸壓胸。對住個除剩胸圍的女人,安仔完全冇反應,定力十足。

「安仔同 Sammi有晒默契, N年前 Sammi拍親熱戲搞到安仔呷醋嘈晒,後來佢哋傾掂數,講明如果係工作,無論拍床上戲或者親熱戲,對方都唔可以呷醋。」

明年入行三十周年,許志安有計劃做一張可以變成一個騷的唱片。

「安仔想做啲嘢紀念呢個日子,不過佢唔會俾個日期限住自己,亦唔會專登開演唱會或者出舊歌做回顧,佢話要諗啲新嘅嘢嚟做,咁先有意思。」知情者說。

Paco悉心為安仔揀選好劇本,希望他能在影圈佔一席位。剛煞科的《兇手還未睡》,與 Janice Man及林家棟等人合作。

拍過多部電影的 Sammi,很多時會與男對手有親熱鏡頭,安仔曾為此呷醋。

安仔視 Paco為恩師,去年簽約太陽娛樂文化重投他懷抱,聽晒恩師話,轉攻電影。

結婚近兩年的許氏伉儷,不時孖住行街。近年開始鑽研烹飪的許太,經常親自下廚餵夫,還將製作過程放上網,相當溫馨。

撰文、攝影、攝錄:娛樂組

鍾意就快D Share啦!