2015年12月3日 星期四

孤獨留港 張曼玉鬼佬男友分手 [壹週刊 - 1343] __,曼玉,張曼玉,M1,

【最新圖片】沒有男友的日子,Maggie惟有與愛犬為伴,與愛犬重遊昔日同男友拍拖勝地。探熱針孤獨留港 張曼玉鬼佬男友分手張曼玉(Maggie)去年初被爆與細自己十五年的中英混血band友AdriandaSilva搭上,更被影到拍拖到淺水灣放狗,自從有嫩口男友愛情滋潤,Maggie馬上回春。但這段情只維持了一年,始終敵不過年齡與身份差距,最後不歡而散,五十一歲再失戀,好彩Maggie仲有愛犬同朋友陪 ...


【最新圖片】

沒有男友的日子, Maggie惟有與愛犬為伴,與愛犬重遊昔日同男友拍拖勝地。

探熱針

孤獨留港 張曼玉鬼佬男友分手

張曼玉( Maggie)去年初被爆與細自己十五年的中英混血 band友 Adrian da Silva搭上,更被影到拍拖到淺水灣放狗,自從有嫩口男友愛情滋潤, Maggie馬上回春。

但這段情只維持了一年,始終敵不過年齡與身份差距,最後不歡而散,五十一歲再失戀,好彩 Maggie仲有愛犬同朋友陪伴。

年齡差距大

張曼玉一向愛情至上,而且對老外情有獨鍾,去年初與細自己十五年、只有三十五歲的中英混血兒 Adrian da Silva拍拖放狗斷正,戀情被正式公開,由於男友是樂隊 Audiotraffic前主音兼結他手,作曲捽碟唱歌瓣瓣掂,與近年轉 feel玩音樂,愛以超低音沙聲唱歌的 Maggie啱晒 channel,她更懶理歌藝被人評為「被上帝放棄的聲音」,繼續一邊拍拖一邊夾 band。

最近半年 Maggie忽然少接觸音樂,原因並非受不起劣評,而係與 band友 Adrian姊弟戀玩完,搞到無晒心機。

「 Maggie啱啱同 Adrian一齊嗰陣好 sweet,仲成日親自下廚煮嘢俾男友食,甚至喺屋企夾 band玩音樂,但過咗半年,佢哋開始覺得唔係太夾,始終 Adrian細 Maggie好多,仲鍾意周圍去玩,唔想成日匿埋屋企過二人世界,不過令雙方關係變差最大原因,係 Adrian想 Maggie出錢同出面幫佢出唱片捧佢,點知 Maggie唔肯落疊,兩個亦開始慢慢疏遠對方。」張曼玉身邊人說。

【 14年】

去年初 Maggie同 Adrian到同一個地方拍拖放狗,好鬼浪漫。

行行吓 Maggie拉低口罩抖氣,與有拖拍時期容光煥發相比,現在明顯殘了不少。

一向煙癮大的 Maggie,放狗期間都不忘煲煙,不過佢好有公德心,企喺垃圾桶旁邊食。

撇清關係

分手後, Adrian立即同 Maggie撇清關係,更突然反口唔認拍拖,只承認同 Maggie有工作上合作,彼此亦甚少聯絡。

至於 Maggie,自從冇男友陪 jam歌,她對音樂的熱誠亦大大褪減,早排飛去歐洲散心,到最近才返回香港。

星期一(十一月三十日), Maggie現身淺水灣放狗,無男友陪,惟有搵姊妹相伴。當日她打扮相當神秘,頭戴 cap帽、黑超、再加多個口罩,將全塊面遮到密不透風,只有在她煙癮大發,拉低口罩扯煙,才能稍為看到她的真面目。

Maggie早排返了歐洲休養療情傷,最近才返回香港。

密冚遮殘樣

之後 Maggie幫狗仔解開狗帶,任由愛犬四圍走, Maggie亦從後追上陪跑。跑到㷫烚烚, Maggie除外套除頸巾再拉低口罩抖大氣,失戀殘樣馬上表露無遺。

以前有愛情滋潤, Maggie突然回春,何止塊面零皺紋,皮膚亦變得緊緻,兩邊面的「蘋果肌」明顯再度發育,變得相當 baby face;但失戀過後,殘樣盡現,「蘋果肌」當堂打回原形。

放完狗, Maggie再到附近一間運動用品店睇嘢,主打睇襪和紮頭髮的橡筋,不過最後冇幫襯走人,之後她前往停車場攞車,返回南灣寓所。

Maggie同 Adrian最初有共同嗜好,兩人經常一齊夾 band唱歌, Maggie甚至唔理人批評歌藝,堅持要唱歌。

【 6月】

今年六月 Maggie在北京出席公開活動,與一三年十一月時期相比, Maggie個樣明顯憔悴不少。

13年 11月

放完狗後, Maggie去了一間運動用品店鋪,不過只係齋睇冇幫襯。

情路坎坷

不少八十年代出身的女星均情路坎坷,離婚、分手例子大有人在。

【鄭裕玲】

92年,與細五年的呂方撻着,多年來,戀情都不獲外界睇好; 08年,鄭裕玲突然宣布分手,有傳分手導火線是呂方終日無所事事沉迷炒股,只好結束長達十六年戀情,其後男方多次被拍到四出獵食,可惜 Do姐感情生活一直未有着落。

【王祖賢】

93年,向男友齊秦提出分手,拍攝電影《青蛇》時認識已婚的林建岳,並發展婚外情,關係維持三年玩完,王祖賢重回齊秦身邊,二人原定 03年於西藏拉埋天窗,但其間男方被爆有私生子,二人再度分手,受盡情傷的王祖賢,拍完電影《美麗上海》後息影,長居加拿大。

【鍾楚紅】

84年拍運動產品廣告,與廣告界才子朱家鼎撻着; 91年,二人豪花二百萬於美國聖百蘭堂拉埋天窗,並共識不生育,鍾楚紅亦決定息影。到 07年,朱家鼎因大腸癌不幸病逝,到近年紅姑才收拾心情重新活躍娛樂圈,並表示想搵番個伴。

【關之琳】

19歲時不理父母反對,關之琳堅持與認識只有兩個月的富商王國雄閃婚,九個月後離婚收場;回復單身後,關之琳不乏異性埋身, 09年,搭上身家百億的已婚富豪陳泰銘,多年來二人屢傳婚訊。到上月,關之琳突然向傳媒宣布,與陳泰銘離婚,再度經歷失婚滋味。

撰文、攝影、攝錄:娛樂組

鍾意就快D Share啦!
Related Posts Plugin for WordPress, Blogger...