| Albert駕着已易名為「發現號」的私家車載過無數大埔「泥鯭」。 | next 1/1 pre |
 | |
| 「大埔街坊泥鯭」的Facebook群組已成為 Albert生活中不可分割的一部分。 | next 1/1 pre |
 | |
| 開谷至今短短2個月，已有超過2萬人加入。 | next 1/1 pre |
 | |
| 有車主自製車頭牌，即興載街坊到火車站。 | next 1/1 pre |
 | |
| 「谷友」已開始約消夜團、羽毛球團，團結友愛不言而喻。(受訪者提供) | next 1/1 pre |
 | |
| Albert與車主Andy成為第一對成功配對，拍下「世紀大合照」。(受訪者提供) | next 1/1 pre |
 | |
| 每次抵達目的地後，車主一般都會與泥鯭自拍，讓其他「谷友」知道他們安全到達。 | next 1/1 pre |
 | |
| 「谷友」Dorothy為車主設計不同標誌樣板，亦可讓大家發揮創意，為自己的車命名。 | next 1/1 pre |
80後創業青年呂忠義Albert，早前在社交網站開設「大埔街坊泥鯭」群組，讓街坊在網上相約義務車主「搭順風車」。群組簡介：「友共乘，有共情，我哋追求快樂共乘！」群組出現不單掀起嶄新的交通模式風潮，更打破了鄰里間的隔膜，讓人與人之間重新連結。「有人唔係想搭車，只係乘機搵街坊傾吓偈。」Albert坦言，很多人表示「街坊泥鯭」使人一搭上癮。
你或者會坐過「泥鯭的」，免費的「泥鯭號」你又坐過未？10月初面書出現「大埔街坊泥鯭」群組，由一眾車主（又稱「漁夫」）出發前公布行程，讓街坊（又稱「泥鯭」）選擇適合自己的路線加入，過程就像「釣泥鯭」。有別於傳統在路上豎起手指公截順風車，不用食塵，既快捷又方便。群組成立短短兩個月，「谷友」(Group)已超過2萬人。
「成日見到啲人等車等到頸都長，但係你同佢講順路車埋佢，佢會耍手兼擰頭，眼尾都唔望吓你。」他苦笑說，香港人很有戒心。雖然經歷無數次「熱臉貼着冷屁股」，Albert沒有放棄，決心源於一天在路上遇到2名舉牌截順風車的教院女生經歷。
「我見順路咪車埋佢哋返學校囉！」原來一班學生正在進行順風車實驗，啟發他利用社交網絡平台，推廣順風車文化。「原本只係一個功能性嘅構思，想幫大家慳啲時間，點知會發展到依家咁！」一眾「谷友」已經開始約消夜團、羽毛球團，誰會想到以往在街頭撞口撞面卻從不打招呼的街坊，反而是互聯網世界令他們更熟絡。
「平時喺大埔出出入入，見到好多街坊熟口熟面，但始終唔會打招呼。」他指順風車就可以打破這個隔膜，「所以好多時大家第一句都係：『嘩！你好熟面口喎』，有相認舊朋友嘅感覺。」Albert坦言，順風車不但讓人重拾久違的街坊情，重新建立鄰里關係，更可讓大家發揮互助精神。
「今次我車你，可能下次你車我。」Albert因工作關係，經常駕車周圍走，以為自己只會做義載的車主，怎料成為群組第一條「泥鯭」。他憶述當日與太太在尖沙咀看電影後，想徵同行「谷友」夾份坐的士回家，「咁啱又有『谷友』話返大埔，可以順路車埋我哋！咁就成就咗第一個成功配對嘅例子！」Albert更與對方拍下一張「世紀大合照」，意味香港順風車史展開新一頁。
|
鍾意就快D Share啦！
|
|
|
