掃呢頁CODE去手機

2015年12月3日 星期四

王祖藍打救 林欣彤搏一鋪上《我是歌手》 [壹週刊 - 1343] __,我是歌手,王祖藍,祖藍,林欣彤,M1,

探熱針王祖藍打救 林欣彤搏一鋪上《我是歌手》林欣彤約滿無綫同英皇之後,決定轉會走人,但因為性格太飄忽,搞到冇唱片公司肯要,以為林欣彤從此要絕跡樂壇,好在有王祖藍打救,邀請她加盟其自組的新公司,更應承幫她發展大陸市場,步阿G.E.M.後塵參加《我是歌手4》。忽然轉軚王祖藍約滿無綫後,轉投邵氏,更獲公司打本自組經理人及製作公司,除了幫自己及老婆李亞男打理娛樂事業,他更積極簽人加強公司聲勢,據知祖藍已經 ...


探熱針

王祖藍打救 林欣彤搏一鋪上《我是歌手》

林欣彤約滿無綫同英皇之後,決定轉會走人,但因為性格太飄忽,搞到冇唱片公司肯要,以為林欣彤從此要絕跡樂壇,好在有王祖藍打救,邀請她加盟其自組的新公司,更應承幫她發展大陸市場,步阿 G.E.M.後塵參加《我是歌手 4》。

忽然轉軚

王祖藍約滿無綫後,轉投邵氏,更獲公司打本自組經理人及製作公司,除了幫自己及老婆李亞男打理娛樂事業,他更積極簽人加強公司聲勢,據知祖藍已經傾掂上個月剛剛同無綫約滿的林欣彤。

「原本阿 Mag(林欣彤)諗住簽 Starz People,好似周柏豪咁將唱片約簽俾華納,佢哋乜都傾好晒,諗住一同 TVB完約就即刻過檔,點知祖藍收到風知道阿 Mag唔簽 TVB,佢即刻搵人約阿 Mag見面,希望簽佢返新公司。其實最初阿 Mag冇乜興趣,因為佢最想唱歌,祖藍間公司又冇唱片部,不過傾落之後,祖藍同佢分析香港樂壇已死,想唱歌應該北上喺大陸發展。」林欣彤身邊人說。

10年林欣彤參加《超級巨聲 2》都係一味靠嗌贏得冠軍。

G.E.M.參加完《我是歌手 2》後,身價颷升千倍,有本事紅到上宇宙。

原本林欣彤選擇了做周柏豪師妹,點知臨簽約前突然反口。

步 G.E.M.後塵

王祖藍幫林欣彤細心分析市場及事業形勢,但最叫她心動落筆簽約的原因,是王祖藍拍心口會安排她現身湖南衞視的《我是歌手 4》節目。兩年前 G.E.M.憑該節目紅到上「宇宙」,令到不少兩岸三地歌手夢寐登上這個可以推上事業高峰的舞台。

雖然王祖藍堅守承諾,會用盡自己的人脈幫林欣彤,但由於《我是歌手》節目已經爆紅,個個大牌歌手爭住上,想好似 G.E.M.當年直接入圍比賽根本無可能。

「今年《我是歌手》同之前嘅賽制有啲唔同,雖依然保留三個新一代踢館歌手環節,但兩個位由電視台內定,得一個位要靠預賽入圍,而祖藍幫阿 Mag傾唔到做內定踢館歌手,淨係幫到佢入預賽,換言之, Mag要同大概六十個歌手爭一個位,上唔上到正式比賽,就要睇吓阿 Mag嘅實力有幾強」一名幕後工作人員說。

王祖藍拍完大陸綜藝節目《奔跑吧!兄弟》後,主力大陸發展,狂賺人仔。

當年 G.E.M.未喺「宇宙」爆紅前,都曾經同過林欣彤同台演出。

贏了《超級巨聲》,林欣彤在無綫安排下簽約英皇,但有傳容祖兒不滿受威脅,結果被英皇棄置一邊,經常將她放埋在泳兒、鍾舒漫及洪卓立等一班唔紅歌手其中。

撰文、攝影、攝錄:娛樂組

鍾意就快D Share啦!