長恤衫襯牛仔短褲騷白滑玉腿，謝安琪衣服品味，從來話之你。
同你吟一吟
陳淨心發功 謝安琪睬你都傻
被封為「愛國小先鋒」嘅陳淨心，繼响微博舉報盧凱彤曾經參與過佔領運動，成功令對方冇得出席草莓音樂節後，佢將矛頭轉向謝安琪，話佢曾經現身金鐘佔領區，放低物資俾佔領人士。
好嘅唔靈醜嘅靈，謝安琪喺星期日（十一月二十九日）下午，突然以失聲為理由，取消當日夜晚响廣州舉行嘅「 2015中國大學生音樂節全國巡迴演唱會廣州站」。
其實謝安琪出晒名我行我素，當年「食屎論」搞到一身蟻都唔在乎，早排《壹》仔喺人多車多嘅中環，撞見長恤衫短褲晒腿嘅謝安琪，上咗去髮型屋裝身，隔咗兩個鐘之後，就見到佢著條低胸晚裝裙，大搖大擺行去上車，同樣懶理途人對準佢心口嘅有色眼光。
八珍係政治盲，唔識評論邊個啱邊個錯，但做人有立場有宗旨一定係好事。
撰文：八珍
|
鍾意就快D Share啦！
|
|
|
