睇Janine呢副含情默默樣，就知佢有幾冧Juno。同你吟一吟Juno氹女零難度年中一度傳出Juno同女友Janine戴庚玲已經訂婚，雖然男方出嚟否認，但呢段翻撻兩年嘅「雙J戀」，睇嚟打風都好難打得甩。話晒Juno家底雄厚，老豆又係上市公司主席，但Janine唔需要食好住好，早排仲孖住Juno同成班朋友，去中環九記牛腩食晚飯。剃光頭、留晒鬚扮龜仙人，Juno同朋友成餐飯不知幾好傾，冇乜點搭嘴嘅Ja ...
睇 Janine呢副含情默默樣，就知佢有幾冧 Juno。
同你吟一吟
Juno氹女零難度
年中一度傳出 Juno同女友 Janine戴庚玲已經訂婚，雖然男方出嚟否認，但呢段翻撻兩年嘅「雙 J戀」，睇嚟打風都好難打得甩。
話晒 Juno家底雄厚，老豆又係上市公司主席，但 Janine唔需要食好住好，早排仲孖住 Juno同成班朋友，去中環九記牛腩食晚飯。
剃光頭、留晒鬚扮龜仙人， Juno同朋友成餐飯不知幾好傾，冇乜點搭嘴嘅 Janine，一味含情默默望實男友甜笑，冧到暈晒大浪。
氹女唔使買巨鑽 Chanel卡地亞，睇怕得 Juno有呢個本事。
唔經唔覺， Juno同 Janine翻撻兩年有多，雖然男方講到明未有成家打算，但他日結婚，一定會公開話俾大家聽。
食飽飽， Juno同女友一齊出門口，再上司機車一齊返歸。
