冇 P圖，《鴨王 2》新女凸腩、肥臀即時現形。
娛樂偵訊
《鴨王 2》冇 P圖海報流出 林莉嫻巨腩揮低袁嘉敏
有「 17女神」之稱、現年 23歲的林莉嫻（ Leslie）被王晶睇中登上大銀幕，在《鴨王 2：雞同鴨戀》內做雞。論上圍，林莉嫻與第一集女主角袁嘉敏相比，不相伯仲，但被脂肪重重包圍的激凸肚腩，油分絕對重過上手。
唔能夠長期靠 P圖人工瘦身，在戲中會有全裸騷股肉搏戲的林莉嫻，為保女神之名，惟有地獄式瘦身減脂減腩！
全裸晒優質股
新晶女郎林莉嫻跟「鴨王」何浩文（ Dominic），將會在新戲中全裸埋身肉搏，鬥騷優質靚股，連見慣「大」場面的 Dominic，亦大讚她「正」過舊拍檔袁嘉敏。兩代晶女郎，唔單只擁有天賦好身材，還不約而同擁有巨腩。為保女神飯碗，電影公司對外發放的劇照，盡量 P圖幫林莉嫻修腰減腩。
「 Leslie（林莉嫻）試鏡時唔使全裸，但有著比堅尼俾晶哥睇。晶哥睇中佢有四十三吋長腿。反而唔介意佢有個大肚腩，不過都有叫 Leslie要減咗腩先可以開工。老細叫到，惟有每日食一餐，加狂做運動，而家已經瘦咗好多，個腩冇以前咁恐怖。」工作人員表示。
Maggie Q第二
據知，王晶相當睇好林莉嫻，覺得她的野性味，有望成為第二個 Maggie Q，拍畢《鴨王 2》後，便會安排她演出《賭城風雲Ⅲ》，得寵程度可見一斑。
獲王晶寵倖，林莉嫻處女作更加搏到盡，拍全裸床戲毫不怯場外，還花了一年時間學演戲。被問到會否擔心外界將她和袁嘉敏比較，林莉嫻說：「我只會專注工作，唔會理人哋批評。」
冇衫著
《鴨王 2》一眾女角，在戲中擺明做雞連衫都冇得著，幾乎場場全裸肉搏。為新戲做足準備，大半年前個個開始操 fit body，只有新晶女郎林莉嫻臨急抱佛腳，靠 P圖縮細巨腩。
撰文、攝影、攝錄：娛樂組
|
鍾意就快D Share啦！
|
|
|
