2015年12月3日 星期四

黃翠如執二攤 吳若希黐周柏豪失敗 [壹週刊 - 1343] __,柏豪,黃翠如,翠如,吳若希,周柏豪,M1,

娛樂偵訊黃翠如執二攤 吳若希黐周柏豪失敗去年大台揼本拍賀歲單元劇《愛情來的時候》,雖然收視、口碑好壞參半,但無阻第二輯開拍。新一輯捨棄用台、韓藝人,搵來隸屬華納唱片的周柏豪,做其中一個單元的男一,順勢修補與四大唱片的關係。據知大台原本想安排吳若希做女主角,但華納嫌女方同有米uncle搞緋聞,襯唔起新一代「暖男」周柏豪,寧願請辭唔拍,最後余詠珊惟有安排「每個男人心裡面都有一個」的黃翠如,捱義氣執二攤 ...


娛樂偵訊

黃翠如執二攤 吳若希黐周柏豪失敗

去年大台揼本拍賀歲單元劇《愛情來的時候》,雖然收視、口碑好壞參半,但無阻第二輯開拍。新一輯捨棄用台、韓藝人,搵來隸屬華納唱片的周柏豪,做其中一個單元的男一,順勢修補與四大唱片的關係。

據知大台原本想安排吳若希做女主角,但華納嫌女方同有米 uncle搞緋聞,襯唔起新一代「暖男」周柏豪,寧願請辭唔拍,最後余詠珊惟有安排「每個男人心裡面都有一個」的黃翠如,捱義氣執二攤安撫暖男豪。

見過鬼怕黑

去年無綫首拍賀歲單元《愛情來的時候》,揼本去到東南亞四地取景拍攝,當時台灣和韓國的單元原定搵台劇女王林依晨和池城做男女主角,但無綫「是是但但」的作風,遲遲未交出劇本和期表,兩大偶像相繼劈炮,要臨時臨急搵佘詩曼同人氣跌幾級的韓星延正勛補飛頂上。

見過鬼怕黑,今次開拍《愛 2》,大台決定起用自己人省卻麻煩,順勢用其中一個單元的男一做籌碼,邀請華納唱片的周柏豪演出,修補多年來與四大唱片公司惡劣關係之餘,同時為年尾的頒獎禮鋪定路。

一個是非、緋聞不絕,另一個零負評又有個感情穩定男友,識得揀,你係周柏豪都寧願同黃翠如合作

單元在台北拍攝,同場還有翠如 BB的老拍檔黃浩然。

早前拍罷《實習天使》,孖住同劇的五線奀星黃子恆夜遊赤柱撐枱腳。

霸王硬上弓

自從榮升「暖男」,周柏豪人氣升、檔期更加密密麻麻,稍後又要到外地開演唱會,但無綫遲遲未落實合作對手,只係不斷強調「一定搵跟柏豪同 grade嘅靚女合作」,用來安撫心急的華納。

一日拖一日,華納覺得事有蹺蹊,於是提出辭演,無綫知道「拖」出火,大台見無彎轉,於是坦認安排吳若希同周柏豪情侶檔演出。

近期吳若希與有米 uncle緋聞鬧得熱哄哄,華納擔心影響「暖男豪」健康形象,要求換人,惜大台同樣企硬拒讓步,雙方合作關係一度陷入膠着。

「都覺得怪㗎嘞!既然搵得我哋拍嘢,就算劇本未寫好,都冇理由連女主角都未有,問極都話女仔個期有啲亂,要遲啲先覆實,係我哋打爛砂盆,無綫先死死地氣話搵咗吳若希做柏豪個單元女主角。」知情者說。

早前有份現身《 2015年度勁歌金曲優秀選第二回》的周柏豪,否認拍劇換獎。

去年林依晨、林峯辭演,馬明佘詩曼奉命執二攤,新一輯二人再合作,並遠赴德國取景。

保頒獎禮星光

雖然大台積極捧吳若希成旗下唱片公司一姐,但論資排輩,明顯同周柏豪有段距離。華納企硬保暖男豪,向來恃住一台獨大、絕不退讓的無綫,擺完一輪姿態後,居然主動讓步,願意換人。

「梗係呢幾年無綫《勁歌》頒獎禮,全部益自己友,唔好講其他唱片公司,連英皇都睇唔過眼,無綫自己知自己事,同四大反面咁多年,如果今次氹得掂華納,明年頒獎禮,起碼有番啲星光。」知情者說。

吳若希攝位失敗,大台臨時搵來劇接劇、兼拍完《 Do姐去 Shopping》的黃翠如頂上,周栢豪才 say yes埋位開工。

今年初《勁歌金曲頒獎典禮》, Joey、張敬軒同 Do姐合照,吳若希因攝位入鏡,被網友封「攝石人」。

去年鍾嘉欣原本有機會拍住偶像池城合作,最終失望而回,對手變成低幾班的延正勛。

撰文、攝影、攝錄:娛樂組

鍾意就快D Share啦!
Related Posts Plugin for WordPress, Blogger...