掃呢頁CODE去手機

2015年12月10日 星期四

美棋 BB拍拖夠慳家 [壹週刊 - 1344] __,美棋 BB,黃美棋,M1,

去吉野家撐枱腳,美棋BB叫咗個牛肉飯,鍾健威就自備飯壺(下圖紅圈)開餐,拍拖講心唔講金。同你吟一吟美棋BB拍拖夠慳家身為女神代表之一嘅黃美棋,俾網民叫得做「BB」,冧仔指數自然有番咁上下,可能因為呢個原因,明明同前有線主播鍾健威拍拖,一時認、一時又話單身,似乎唔想得罪班米飯班主。正如上個禮拜一(十一月三十日)夜晚七點,《壹》仔見到美棋BB同男友行ifc拍拖,兩個行行吓停步望商場裡面嘅聖誕裝飾,不過 ...


去吉野家撐枱腳,美棋 BB叫咗個牛肉飯,鍾健威就自備飯壺(下圖紅圈)開餐,拍拖講心唔講金。

同你吟一吟

美棋 BB拍拖夠慳家

身為女神代表之一嘅黃美棋,俾網民叫得做「 BB」,冧仔指數自然有番咁上下,可能因為呢個原因,明明同前有線主播鍾健威拍拖,一時認、一時又話單身,似乎唔想得罪班米飯班主。

正如上個禮拜一(十一月三十日)夜晚七點,《壹》仔見到美棋 BB同男友行 ifc拍拖,兩個行行吓停步望商場裡面嘅聖誕裝飾,不過當鍾健威見到《壹》仔鏡頭,即刻摩打腳閃人。

拍拖唔見得光,另一日美棋 BB陪男友去又一城買蘋果產品,之後上 food court撐枱腳。慳住食,美棋 BB自己排隊俾錢食吉野家牛肉飯又一餐,鍾健威仲慳,帶埋個飯壺出街食住家飯。試過俾人影到拍拖逼巴士逼地鐵,有愛情唔使要麵包,唔知將來好事近,會唔會揀去麥當勞擺酒呢呵!

去吉野家撐枱腳,美棋 BB一樣咁冧。

其實叫個牛肉飯只係幾十蚊,美棋 BB冇叫男友俾錢,自己碗飯自己俾錢排隊買。

繼續慳錢拍拖系列,另一日,美棋 BB同鍾健威拍拖行 ifc睇聖誕裝飾,零消費又浪漫。

撰文:八珍


鍾意就快D Share啦!