去收銀機點餐，戴住副大眼鏡遮歪鼻嘅韓君婷，表現仲係好正常。
同你吟一吟
韓君婷怪遊中環
聲稱年多前因為响屋企跌倒，搞到鼻骨變形嘅韓君婷，幾經辛苦終於搵到個整形醫生，可以免開刀、以最簡單同最少傷害嘅方法，就能夠還原靚靚鼻，呢個無創手術，將會响年底進行。
八珍冇咩整形醫學常識，唔知歪鼻骨究竟使唔使開刀，只知係女人都想靚多啲，相信韓君婷亦唔例外。早個禮拜，《壹》仔路經中環和安里，見到韓君婷一個人走去韓式快餐店醫肚。戴住副大眼鏡，刻意遮住歪鼻，之後仲搵張面壁枱坐低，方便佢除低鏡眼俾個鼻鬆一鬆。等食期間，韓君婷一直兩眼發呆，一時抹鼻，一時擔天望地，行為怪怪哋。
個餐連凍檸茶終於送到嚟，韓君婷定眼望咗大約一分鐘，突然間攞起手袋起身走人，半啖都冇食過。睇咗當食咗，出到門口再急急腳去另一間餐廳，望兩望又走咗去，繼而再轉去另一間時裝店，又係望兩眼走人。
歪鼻，當然要搵整形醫生，但心病，真係唔拖得。
撰文：八珍
來源 source: http://hk.next.nextmedia.com
|
鍾意就快D Share啦！
|
|
|
