熱爆娛樂: 王浩信開經理人公司　簽苟姑娘做一姐 [壹週刊

2015年12月10日星期四

王浩信開經理人公司　簽苟姑娘做一姐 [壹週刊 - 1344] __,苟姑娘,王浩信,苟芸慧,M1,

打算離開大台的苟姑娘，將會加盟王浩信揸 fit的經理人公司。

探熱針

王浩信開經理人公司　簽苟姑娘做一姐

大台小生花旦走得的都走，帶挈一眾配角水鬼升城隍，坐正做主角，王浩信正正是人辦。

雖然劇接劇，但收入未有同步提升，撞啱有貴人肯揼水支持開經理人公司，仔細老婆嫩的王浩信，為錢途已決定同太太陳自瑤完約後閃人，還睇中去意已決的苟姑娘（苟芸慧），打算簽她做新公司一姐。

去意已決

受到甲狀腺問題纏擾，身形暴脹的苟芸慧，被無綫全面放棄之餘，無工開、無收入，公司還以「唔夠騷」為理由，要求她賠償六位數字差額。原本今年初滿約的苟姑娘，最後被迫同大台加簽一年，其間被公司安排接拍《 EU超時任務》做大茄，因而同王浩信變得熟落。日接夜開劇，苟姑娘無所不談，甚至表明自己有去意，正努力物色經理人。

「苟姑娘同過幾間（經理人）公司接觸，發覺佢哋吹水成分居多，成日話安排飯局見邊個，可以開劇開電影俾自己，其實佢好清楚，寧願務實啲收少啲錢，跑多幾個活動搵真銀好過。」一名無綫的幕後人員透露。

在《 EU超時任務》淪為大茄的苟姑娘，同王浩信有不少對手戲。

苟姑娘早前在金剛搭路下，到台灣出席吳宗憲生日會，為轉會物色新工作夥伴。

在《樓奴》擔正做男一的王浩信，嫌人氣同收入不成正比，密謀完約離巢自組公司。

一拍即合

苟姑娘坦白講，王浩信亦透露自己有名但無利，遇啱有貴人願意打本給他開經理人公司，已計劃完約後同老婆陳自瑤雙雙離巢外闖搵多個錢。

大家同樣想離開大台搵食，已經啱晒嘴型，苟姑娘更收到風王浩信的金主擁有強大人脈網絡，於是她膽粗粗問對方有冇意思提早開公司，將自己收歸旗下。

王浩信覺得既然公司遲早都要開，既然有白老鼠送上門試業，加上苟姑娘近期狀態回勇，一下子已經瘦身十多磅，分分鐘為新公司省靚招牌，於是拍板落實合作。

週一（十二月七日）本刊向王浩信查證，提到同無綫還有幾耐約，王浩信搵藉口收線：「我而家揸緊車，我轉頭覆你好唔好？」而苟姑娘在截稿前亦未有回覆。