2016年2月23日 星期二

搵Kary教路 婚禮從簡 31歲Miki 6月嫁太子爺 __,Miki,吳雨霏,Kary,楊愛瑾,

昔日女子組合Cookies餅碎楊愛瑾雖然事業平平,但感情路上就覓得真命天子。去年Miki生日,男友郭永淳帶她到冰島和芬蘭看北極光,在芬蘭的漫天風雪下跪求婚成功。二人相識初期,因郭永淳有老婆伍智恆,一度令Miki背上第三者之名,兩人拍拖7年走過幾許風雨,終於修成正果,Miki昨日到觀塘出席古董禮封喜帖婚嫁珍藏展,宣告將於今年中出嫁做猴年新娘,據知,婚期訂於6月盛夏。Miki拿着鳳冠拍照,喜氣洋洋,她 ...




其他影片:>>






昔日女子組合Cookies餅碎楊愛瑾雖然事業平平,但感情路上就覓得真命天子。去年Miki生日,男友郭永淳帶她到冰島和芬蘭看北極光,在芬蘭的漫天風雪下跪求婚成功。二人相識初期,因郭永淳有老婆伍智恆,一度令Miki背上第三者之名,兩人拍拖7年走過幾許風雨,終於修成正果,Miki昨日到觀塘出席古董禮封喜帖婚嫁珍藏展,宣告將於今年中出嫁做猴年新娘,據知,婚期訂於6月盛夏。Miki拿着鳳冠拍照,喜氣洋洋,她說:「第一次見到呢啲婚嫁嘢,之前都唔識,今日嚟可以了解吓。」問婚禮籌備如何?她開心宣告:「今年年中左右,遲啲同大家講。」有指Miki和郭永淳已派喜帖,她否認:「未派,嗰張唔係帖,係送卡畀朋友。」至於好姊妹鄧麗欣(Stephy)爆她在外地搞婚禮,Miki扮儍說:「係咩?點解我都唔知,其實我想簡單去做呢件事,估唔到好多嘢要處理,因為冇搵wedding planner,好在好多客戶支持我,如果唔係好頭痛。」問到計劃旅行結婚或在香港擺酒?Miki十分口密:「喺香港好多親朋戚友,簡單極都要招呼吓,點搞到時同大家講。」她透露已影婚紗相,婚紗亦揀好了,但未有時間去拿取:「好多細節要兼顧,會問Kary(吳雨霏)意見,佢係過來人。」Miki坦言會向人妻Kary取經,問會否搵Cookies拍檔做姊妹?她說:「未決定要唔要姊妹,本身想簡單。」至於本月14日已踏入31歲的她,問到未婚夫怎跟她慶祝生日和情人節?Miki甜絲絲說:「生日平靜過,喺屋企食飯,未來老公煮牛扒。」問是否整心型牛扒?她說:「正常形狀,仲有意粉同甜品,佢識煮但少煮,之前上網學晒先。」送甚麼生日禮物?她一副賢妻口脗說:「冇呀,我哋講心,結婚使好多錢,要慳啲,平時畀驚喜我開心啲。」Miki於情人節在社交網上載未婚夫煎扒短片,留言表示「大師級水準」之餘,又晒愛:「人越大就更覺身邊的人很重要,尤其那些愛我關心我的,其實有時真的簡簡單單吃一頓晚餐,聊聊天就已經很開心。」此外,Kary和Stephy昨到灣仔出席活動,兩人都戥待嫁Miki高興,Kary說:「我會出席,做姊妹就未收到通知。佢有問我搞婚禮細節,我都有畀吓意見,例如流程同寫帖,佢好叻,自己安排好多嘢。」Stephy和男友方力申拍拖到場,她說:「大家都關心我會唔會做姊妹,我未知佢點搞,叫我點都會幫手。」問到Miki在那裏搞婚禮?Stephy說:「香港、外地都玩吓,詳細未知。」區文詩則在電話說:「佢一切從簡,婚禮未必有姊妹兄弟,佢需要我哋配合盡量幫手,希望佢哋白頭到老永結同心,佢男友平時都對Miki好好,好識錫未來太太。」


鍾意就快D Share啦!
Related Posts Plugin for WordPress, Blogger...