陳豪陳茵媺第三個愛情結晶，已經出咗世喇。
陳豪同老婆陳茵媺恩愛就係人都知啦，陳豪仲因為「三年抱三」成為圈中典範，而佢哋第三個愛情結晶品亦都出咗世喇！
呢對圈中模範夫妻好特別，佢哋冇喺微博公布喜訊，反而選擇向傳媒發通告，宣布BB已經喺養和出咗世。由於之前有好多傳聞，話陳豪今胎依然係生仔，亦都傳過佢哋今次終於追女成功，所以各位粉絲都好期待想知真正答案！不過可惜，佢哋喺通告度並冇公布BB嘅性別，只係話聽日佢哋兩公婆會喺醫院同大家見面，到時應該就會齊齊揭盅仔定女
講番少少資料先，現年35歲嘅陳茵媺，2013年12月生咗大仔Aiden Joshua，中文名叫陳梓燁；之後再喺舊年二月尾生第二胎，細仔個名叫Nathan Lucas。中文名則叫陳浩鋒。而陳茵媺神奇嘅地方係，就算喺生B前夕，依然Keep得好好，塊臉仲係好尖，果然得天獨厚。
來源 source: http://hk.on.cc
|
鍾意就快D Share啦！
|
|
|
