2016年4月29日 星期五

網民熱話:《殭》鄭嘉穎明朝食炸雞 網民即時諗起... __,嘉穎,《殭》,鄭嘉穎,

真係唔知明抽水定無心插柳。無綫熱播劇集《殭》自播出以來掀起唔少熱話,好似男主角鄭嘉穎嘅劇中造型激似前輩元華,佢個頭油到畀網友笑言五百年冇洗頭咁,夠晒搞笑!而劇中亦雲集「人妻女神」謝安琪,以及一班養眼嘅新進女神陳凱琳及陳嘉寶等等,自然吸引觀眾晚晚坐定定煲劇,並喺網上討論每集嘅搞笑位及亮點啦!而前晚播出嘅一集,鄭嘉穎再度成為城中熱話,點解嘅?因為喺劇中嘉穎目送愛人跳崖自盡,不禁悲從中來並崩潰狂叫「呀! ...


真係唔知明抽水定無心插柳。無綫熱播劇集《殭》自播出以來掀起唔少熱話,好似男主角鄭嘉穎嘅劇中造型激似前輩元華,佢個頭油到畀網友笑言五百年冇洗頭咁,夠晒搞笑!而劇中亦雲集「人妻女神」謝安琪,以及一班養眼嘅新進女神陳凱琳及陳嘉寶等等,自然吸引觀眾晚晚坐定定煲劇,並喺網上討論每集嘅搞笑位及亮點而前晚播出嘅一集,鄭嘉穎再度成為城中熱話,點解嘅?因為喺劇中嘉穎目送愛人跳崖自盡,不禁悲從中來並崩潰狂叫「呀! ...


真係唔知明抽水定無心插柳。

無綫熱播劇集《殭》自播出以來掀起唔少熱話,好似男主角鄭嘉穎嘅劇中造型激似前輩元華,佢個頭油到畀網友笑言五百年冇洗頭咁,夠晒搞笑!而劇中亦雲集「人妻女神」謝安琪,以及一班養眼嘅新進女神陳凱琳及陳嘉寶等等,自然吸引觀眾晚晚坐定定煲劇,並喺網上討論每集嘅搞笑位及亮點

而前晚播出嘅一集,鄭嘉穎再度成為城中熱話,點解嘅?因為喺劇中嘉穎目送愛人跳崖自盡,不禁悲從中來並崩潰狂叫「呀!」,呢一聲「呀!」叫醒咗一班網友,見到嘉穎又再展現其招牌喪叫,果然「呀=鄭嘉穎」!而今次要講嘅另一亮點,都仲係嘉穎,不過就加埋佢女友陳凱琳(Grace)。

大家都知《殭》係嘉穎同Grace嘅「定情之作」,兩人唔單止喺現實中十分恩愛,連劇內都SWEET爆,劇中講述明朝時代,嘉穎飾演嘅「刑言」同Grace飾演嘅「上官金鈴」相戀,所以不時都有佢哋相望甜笑,仲有情深錫錫嘅畫面,想閃死人咩!而尋晚有一幕,Grace為愛郎甘願下廚,唔知現實中嘉穎有冇試過女友嘅手勢呢?當中Grace自創唔少新派菜式例如魚生,仲有木桶炸雞等等,嘩!明朝已經出現魚生同埋炸雞咁離奇?

睇住嘉穎食炸雞呢幕,唔少網友就聯想到佢係連鎖炸雞店嘅代言人,笑言無綫有抽水之嫌,仲紛紛發揮想像力,幫呢道木桶炸雞改菜名,好似「218 5個刑」、「刑炸雞」,而嘉穎評價炸雞嘅味道外脆內軟時,網友仲話笑到標眼水𠻹!

諗菜名已經滿足唔到一班網友,佢哋仲幫嘉穎嘅角色改名搞搞新意思,皆因佢喺劇中為掩藏「不死人」嘅身分,每次都會改名,好似明朝時叫「刑言」,現代叫「刑活著」,網友就提議佢可以改名做「刑站著」、「刑望著」等等,認真「創作力量同幻想,會嚇你一跳」!

其實今次都唔係tvb第一次疑似惡搞嘉穎炸雞代言人呢個身份,之前喺劇集《天眼》入面一句「Call我」,唔少網民畀佢引到捧腹大笑,今次嚟多次,即刻令人懷疑「係咪特登㗎」。

網民有話兒:

ChiXXX:訓唔著(着)嘅刑活著叫「刑然倚在失眠夜」,食得健康嘅刑活著叫「刑養」,保護地球嘅刑活著叫「刑警」,食炸雞嘅刑活著叫「刑炸雞」。

AXXXXWong:古時叫刑言,現代叫刑活著,下一世可以叫刑在生,再唔係叫刑真你就輸了囉!

DorXXSL:明朝有魚生都夠搞笑,仲有埋炸雞,係咪TVB抽水咋?

KatieNXXX:鄭嘉穎食完炸雞,仲要大讚外脆內軟,我同阿媽睇到呢幕笑到癲。

蚊蚊XX:218 5個刑,Call我


來源 source: http://hk.on.cc
鍾意就快D Share啦!
Related Posts Plugin for WordPress, Blogger...