2018年4月4日 星期三

分開5年合體開騷 HotCha難忘一齊沖涼 __,HotCha,

HotCha分開咗5年再次合體。前組合HotCha宣布合體開騷,三位成員Crystal、Regen及Winkie齊集為十周年慈善演唱會拍攝海報,期間獲 ...


HotCha分開咗5年再次合體。


前組合HotCha宣布合體開騷,三位成員Crystal、Regen及Winkie齊集為十周年慈善演唱會拍攝海報,期間獲工作人員送上蛋糕,祝賀4月4日出道的她們邁向11周年。

點解再合體?

受訪時Crystal表示她們已經分開了五年:「我哋喺14年宣布解散,但分之前已經冇一齊做嘢。」問到為何會合體開騷?她們說:「身邊愈來愈多人話細細個已經聽我哋唱歌,好耐冇聽我哋唱歌,其實我哋三個都有意思想搞個10周年演唱會,直至前經理人才促成呢件事。」問到相隔5年再合體有何感受? Crystal說:「尋日我哋食飯拍啲宣傳片,一開始都驚我哋好耐冇一齊做嘢會唔會冇默契,但係一拍我哋就好多嘢講,係咁講番以前啲搞笑、蝦碌嘢,回憶湧番晒出嚟。」

回憶難忘往事

Winkie笑言以前出埠的蝦碌事最難忘,慶功飲酒飲到好癲,Regen自爆說:「我都算飲得,但我臨去澳洲Working Holiday最後一次出埠,嗰次飲到好癲,由工作地方一直嘔到去機場,上機後好彩空姐畀白花油我搽。」問她們可曾試過有拗撬?三女表示有, Winkie笑言為了爭男人,另外兩女即急急否認,Regen說:「我哋鍾意嘅類型唔同,Crystal鍾意瘦,我鍾意大隻,Winkie成日轉,其實我哋係為沖涼嗌交。」她又自爆有次到日本出Trip,沖涼時與兩位成員及工作人員肉帛相見:「嗰間酒店沖涼要喺公眾浴池沖,我係第一次同佢哋一齊咁樣沖涼,之後見番佢哋真人都好似冇着衫咁,諗番起個畫面。」

講到她們曾傳不和,問到今次合體可擔心會再傳不和?Regen說:「唔怕,到時啲人入場睇就可以搵個真相。」Crystal亦笑言:「一直都係你哋講咋嘛。」她們亦表示演唱會將於6月3號在九展舉行,暫時開一場。

----------------------------

東網巨星開咗ig喇,大家快啲follow

https://goo.gl/KGuo2N 


來源 source: http://hk.on.cc
鍾意就快D Share啦!
Related Posts Plugin for WordPress, Blogger...