2018年9月18日 星期二

隔35年孖秦嵐翻拍《萬水千山總是情》 82歲謝賢老而彌堅有乜辦法? __,秦嵐,謝賢,

《延禧》皇后秦嵐日前早山竹一步襲港,風頭一時無兩。訪港期間,秦嵐多次強調自己睇港劇大,好鍾意香港。佢無講大話架,除咗拍過港劇《我和殭屍有個約會》,原來 ...




《延禧》皇后秦嵐日前早山竹一步襲港,風頭一時無兩。訪港期間,秦嵐多次強調自己睇港劇大,好鍾意香港。佢無講大話架,除咗拍過港劇《我和殭屍有個約會》,原來上年(2017年)亦翻拍過經典港劇《萬水千山總是情》,並飾演汪阿姐嘅莊夢蝶一角添。

不過,最令人意想不到嘅係,四哥謝賢相隔35年,以82歲之齡再次參演呢部經典劇,真係老當益壯、老而彌堅呀!

已經82歲嘅四哥依然好fit,閒時除咗行街high tea,不時亦會行山keep住副偈。早前《壹》仔就見到佢同個friend去登高,你睇佢心口兩嚿胸肌,仲係脹卜卜結實過唔少後生仔架。不過,究竟佢怕熱定唔怕熱呢?著住樽領但同時又係雞翼袖,真係好難理解。算啦,四哥咁多年都咁有型,自然有佢道理架啦,都係嗰句:「fashion嘅嘢識條鐵咩。」

講返套劇,雖然四哥82歲仲好fit,但齋諗都知佢無可能再演阮庭深一角,同37歲秦嵐做一對啦,點會咁益秦嵐呀!四哥喺新版本入面,飾演舊版由鮑方飾演嘅阮濤,因家族世仇關係反對阿仔同莊夢蝶(秦嵐飾)結合。據知新版《萬水千山總是情》,原本計畫喺香港回歸20周年時播放,但一年過去都播出無期,咩原因就真係唔知喇。

順帶一提,68歲劉松仁亦有參演新版《萬水千山總是情》,飾莊鴻儒。

立即下載Apps,隨時隨地睇盡時政專題、深度偵查、娛樂熱話!

按此連結:http://bit.ly/next28app


鍾意就快D Share啦!
Related Posts Plugin for WordPress, Blogger...