網頁

請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2018年12月21日 星期五

【每日壹爆|富豪分身家奇招】私有化合和撩高股價 胡應湘部署分身家防家嘈屋閉 __,胡應湘,

胡應湘(GordonWu)於自己生日當天,宣佈私有化上市46年嘅合和實業(54),此舉相信是他人生當中的里程碑。如今已八十三歲的GordonWu,作為 ...




胡應湘(Gordon Wu)於自己生日當天,宣佈私有化上市46年嘅合和實業(54),此舉相信是他人生當中的里程碑。如今已八十三歲的Gordon Wu,作為郭炳湘嘅師傅,早排白頭人送黑頭人都咪話唔驚,都係時候安排分身家了。今次合和宣佈私有化,已經將股價撩高咗三成,呢招同1995年Gordon Wu捐錢畀母校普林斯頓大學有異曲同工之妙。當年Gordon Wu 宣佈捐一億美元回饋母校,後來被華爾街日報踢爆Gordon Wu捐款後,建議普林斯頓大學的Endowment Fund投資基金,買合和自己隻股票,咁樣就間接谷起當年呢隻藍籌嘅股價,如今合和股價同樣因為私有化嘅消息升左三成,最少Gordon Wu的家族成員揸住股票都唔會家嘈屋閉,正所謂前車可鑑。

胡應湘老豆胡忠是的士大王,有五仔四女,胡應湘是三仔,老豆分身家的時候,重男輕女,四個女只得零頭,1969年所有仔女返港本來與雙親慶祝金婚記念,誰不知變成講數大聚會,長子胡文瀚率先發難,要求作為長子要雙份身家,四名女兒亦不滿冇得分,卒之由胡應湘做「和事佬」協調家庭會議幫老豆分身家,最後長子分兩份(20%),仔分一份(10%),女都有番半份(5%)1977年胡忠的家族公司「中央建業」改組,將旗下嘅物業同埋合和嘅股票分配予股東,即係胡應湘嘅兄弟姊妹或子侄,未賣的話都揸住合和嘅股份,所以合和私有化都俾佢家族成員甩身,唔使好似上一輩咁嘈餐飽。不過如果私有化成功,胡應湘分身家,除咗兩個仔胡文新及胡文康,又會唔會分返份俾兩個女胡嘉明和胡芝明呢?

撰文:財經組

相關連結:

【壹經典●靠爸爸借千五萬】胡應湘父親胡忠 由豬農變的士大王(足本版)

https://bit.ly/2w6jrNO

【壹經典●首間華資大地產股】胡應湘創合和地產 資產一度勁過長實和新地(足本版)

https://bit.ly/2KQGGAH

鍾意就快D Share啦!


Related Posts Plugin for WordPress, Blogger...