全城熱爆的娛樂八封新聞 & 時事趣聞 & 生活 + 趣聞
四哥除低黑超出境，見佢神情哀傷。雖然謝老太高齡離世係笑喪，但做仔嘅又點會唔傷痛吖！
霆鋒嫲嫲上個月中喺澳洲悉尼療養院夢中離世，享年 101歲，喪禮於上周五（ 25日）在當地舉行。不過嫲嫲生前最疼愛嘅孫仔霆鋒，喺北京拍緊電影《一生一世》，請唔到假送嫲嫲最後一程。四哥同婷婷上禮拜三深夜就出發到悉尼奔喪。
身穿黑衫黑褲嘅四哥同婷婷喺機場出現時，面帶傷感，有在場記者問四哥：「係咪好唔開心呀？」四哥就答咗句：「你話呢？」有啲躁躁哋。而婷婷就一直頭耷耷，冇回答記者任何問題，急急腳過關入閘。
素顏婷婷同四哥一樣戴超出現，不過佢頂絨帽好搶眼，離遠都見到。
霆鋒同高圓圓拍緊愛情片《一生一世》，但嫲嫲啱啱過世，佢明顯笑唔出。
