娛樂喧
餘詠珊老公入主唱片部 謝安琪單挑容祖兒
無綫於 10月 23日宣布將成立「星夢娛樂」唱片公司，由高層餘詠珊老公何哲圖（ Herman）出任行政總裁，主宰無綫未來的音樂發展。有傳 Herman入主後，原本他主理的「星煥國際」歌手亦會跟隨轉會，包括謝安琪、鍾嘉欣、鄭欣宜、許廷鏗、胡鴻鈞及吳若希等。身為星煥一姐的謝安琪，坦言投老闆絕對信任一票。若然成功轉會，在年尾無綫的《勁歌金曲頒獎禮》，便有機會截擊英皇一姐容祖兒的「最受歡迎女歌手」六連霸。而星煥一班歌手，亦因為有後台而增加攞獎機會。
HKTV發牌撻 Q，無綫繼續坐大。現在 Herman與餘詠珊同屬無綫高級管理層，夫婦二人大權在手，仲唔係玩曬？
自從餘詠珊年前出任無綫非戲劇製作總監後，其勢力有增無減，不但開劇專捧愛將做主角，最近（ 10月 31日），她老公何哲圖更空降出任無綫新成立的唱片公司做 CEO。
夫妻檔鞏固勢力
無綫成立「星夢娛樂」唱片公司，原意是想重塑當年華星年代，培育旗下藝人出碟及開演唱會，更以林峯、鍾嘉欣及胡杏兒作皇牌。而「星夢幫」的鄭俊弘、羅鈞滿、王君馨亦會安排簽歌手合約。據知，最初傳出新公司原先由資深音樂人黃達輝做話事人，音樂創作總監則由無綫禦用音樂總監鄧智偉擔任。奈何到拍板一刻， CEO之位轉換成餘詠珊老公何哲圖，外界即議論紛紛，樂小姐愛將鄧智偉更即時劈炮。
知情者透露：「無綫依家分咗兩個黨派，就係餘詠珊同樂易玲之爭。呢期餘詠珊最紅，公司好睇佢，如果唔係又點會俾佢捧黃翠如做女主角，總之乜都要佢批准。新開嘅『星夢娛樂』擺明係肥豬肉，珊姐又點會肯放手俾樂小姐搞。佢一早就向董事局推薦佢老公何哲圖，一來可以鞏固自己喺無綫嘅勢力，二來又可以幫老公間公司嘅歌手爭取多啲機會。」
英皇大受影響
Herman入主無綫的「星夢娛樂」，其先前擔任 CEO的「星煥國際」將會面臨大變動。據知現時「星煥」有 12位合約歌手，隨着 Herman離開，大部分歌手的合約將轉到「星夢」。
向來與無綫關係友好的英皇唱片，將會受到最大影響，近年「四大」與無綫鬧翻，只有「英皇」獨撐無綫的音樂節目及頒獎禮，容祖兒更在無對手之下連奪六年「最受歡迎女歌手」。據知去年加盟「星煥」的謝安琪，現階段亦與「星夢」斟洽新合約，極有可能成為容祖兒的最大威脅。身處北京的 Mani霍汶希（英皇藝人管理部及唱片部總監）亦語帶雙關表示：「唱片行業太難做，我都係轉投電影行業啦！」
有人歡笑有人愁，無綫親生女兼 Herman愛將鍾嘉欣當然繼續受力捧，而同屬「星煥」旗下歌手的吳若希（ Jinny）和胡鴻鈞亦大表支持。 Jinny：「老闆帶得走，我都會做好自己，相信發展會比依家好。」胡鴻鈞亦早與無綫簽下經理人合約，故轉會對他影響不大，不過他表示對拍劇好有興趣。
對於「星夢」成立搞到滿城風雨，樂小姐只回覆：「無綫即將舉行記者會交代詳情。」而將於 10月 31日正式成為「星夢娛樂」話事人的 Herman，透過電話回應：「星煥歌手會唔會過檔？好多仲傾緊，可能有人唔跟我過去呢？謝安琪同『星煥』都仲有幾年約，細節仲未傾掂，不過出多兩隻碟，『星煥』就會停止運作。（同太太餘詠珊同公司，會唔會有抵觸？）太太未入 TVB前，我同 TVB嘅關係已經好好，依家大家百分百為同一公司服務，佢負責製作，做嘅嘢唔同，反而唔尷尬。（頒獎禮會唔會覺得自己公司嘅歌手較着數？）我唔會偏幫自己人，嚟緊主要做『星夢』班歌手，想栽培新血。」
鄧智偉夾啱時間辭職
外傳新成立的唱片公司會由鄧智偉擔任音樂創作總監，但得知餘詠珊老公 Herman入主後，他便
意興闌珊遞信辭職。本刊記者問他離職是否與 Herman有關，他說：「 Herman資歷同經驗都好豐富，我好放心交俾佢。講真，放低一份做咗 12年嘅工係件難事，考慮咗大半年喇！我一早就遞咗信，只係咁啱啫。（林峯撐你開公司？）自組公司係我嘅夢想，依家好多嘢都未落實，暫時我會開 workshop先試電影配樂。」他亦多謝樂小姐一直的提拔，但問及有關「星煥」一姐謝安琪轉會後，年尾好大機會獲獎時，鄧即時封口不作評論。
|
鍾意就快D Share啦！
|
|
|