[FACE 345 大專校園] 女子藥坊 黎倬僑 黎倬僑,MF,

U花 U草

女子藥坊　黎倬僑

靚女通常體弱，現就讀浸大視覺藝術系 Yr.2的黎倬僑（ Joey），更加係超級藥煲，細個入醫院多過去戲院。

Joey稱自細平均 3個月要入醫院住 2星期，「兒科啲醫生護士我都熟曬！」最勁係試過昏迷 2日，真係死過翻生㗎！

黎倬僑（ Joey）浸大視覺藝術系 Yr.2

5呎 4吋高的 Joey熱愛藝術，即使高考成績考獲兩個 B，仍堅持要讀視覺藝術，「浸大 Art好多嘢畀我哋揀，畫畫設計之餘仲可以玩埋時裝設計，所以我好鍾意呢科，冇後悔揀咗呢科讀。」

有藝術底子， Joey自言學化妝也相對得心應手，「我覺得化妝同畫畫好似，好似溝色啲技巧好易上手，𠵱家都有幫人化嚇謝師宴或者婚禮，寓工作於娛樂！」

採訪當日，氣溫只得 10度， 20歲的 Joey著住短裙仔，好似唔怕凍，不過 Joey就話：「咪睇我𠵱家好似好健康，其實我 3歲就有哮喘，小三嗰年仲試過發燒、感冒、哮喘、水痘一齊嚟，嗰次喺深切治療部（ ICU）昏迷咗 2日 1夜，醫生都叫屋企人要有心理準備，牧師、社工都嚟曬安慰我媽媽，好彩之後我醒番，不過媽咪就要我狂做運動練番好個身體。」

做運動狂穀

Joey不愛運動，但早已認清自己的興趣，「我中五就去學化妝，同學見到我嚟學都好驚訝，好彩老師都畀好多機會我，好似 FURLA嘅時裝騷都會畀我做！仲見到熊黛林添。」

死過翻生，往後的暑假 Joey媽即時安排了大量的暑期班，「嗰陣咩都學，羽毛球、小型網球、乒乓球、體操、跳舞、遊水，日日排滿曬，最誇張係 1日跟兩堂操水班，遊完市政局再去泳會遊，練到個人虛脫咁滯。」

經過童年的地獄式訓練後， Joey身體變得健康，但現在她聽見做運動就怕怕：「我都係鍾意靜態活動多啲，畫嚇畫、幫人化嚇妝就啱我，運動？咪搞我！」

U花 U草：

只要是各大專界的靚仔靚女，《 FACE》就會介紹給大家認識。

鍾意就快D Share啦！

下一篇 》