網頁

掃呢頁CODE去手機
請LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2014年1月1日 星期三

[FACE 345] 上海來的女模 徐佳琦 徐佳琦,MF,




Beauty Hunt

上海來的女模 徐佳琦

來自上海的徐佳琦( Jackie),大學時期已經是模特兒,雖然女模生涯只維持短短半年, Jackie卻有機會拍攝國內電視劇《愛情公寓》,總算踏入演藝圈,不只是𡃁模。

為追求電影夢, 11年她獨自來港,簽約寰宇電影,拍過《逃出生天》、《我老婆唔夠秤 2之我老公唔生性》等港產片,比同期新人算多機會。簽得大公司, 25歲 Jackie擁有上海妹優良傳統的靚皮膚,她說希望做女版青雲,實而不華咁話喎!

Profile

Name:徐佳琦( Jackie)

年齡: 25歲

身高: 168cm

微博:徐佳琦 Jackie(粉絲人數 25,737人)

Instagram: Jackiehsu229(粉絲人數 2,401人)

Jackie在大學時期修讀 3D Design,其間做了半年模特兒便暫退。來港近 3年,廣東話已練得不錯的 Jackie說:「大學時有表演班,有位老師畀咗張 model報名表我,自己就去 casting,仲成功拍咗個服裝廣告,自己多咗人認識,不過就覺得 model呢行唔係好實在,就算做幕前,都想有其他選擇。」之後 Jackie有機會拍劇,決心轉型做演員,她說:「拍完國內劇《愛情公寓》,發覺原來自己好鍾意演戲,之後又去咗台灣拍電影《喜劇王》,為咗做演員, 2年前就嚟咗香港等機會。」

拍攝《逃出生天》, Jackie雖然同偶像劉青雲甚少對手戲,但私底下都有聚會,劉青雲仲對 Jackie說︰「你哋呢個年紀充滿無限可能,有咩想做就去做。」

Jackie和古天樂較多對手戲,古仔仲好照顧佢……同埋唐詩詠。

古仔照顧青雲教路

11年, Jackie成功簽約寰宇電影,先後拍過幾套港產片,其中《逃出生天》佔戲分最重,她說:「自己同古仔有多啲對手戲,起初仲以為佢係一個好 cool嘅人,完全冇諗過佢會咁照顧我,仲教識我好多嘢,例如點走位同表情嘅表達;其中喺廣州一場戲,嗰日落好大雨,周圍都好混亂,當時得佢有遮,我同唐詩詠都冇遮,於是佢好體貼咁攞咗把遮畀我哋,我真係好感動,佢好似哥哥咁照顧我,之後食飯聚舊,見到面都會關心我狀況。」

Jackie剛剛亦拍完劇集《廉政行動 2014》,問到未來工作安排,她說:「我會以劉青雲為目標,有次聚會佢同我講『你哋呢個年紀充滿無限可能,有咩想做就去做』,所以我要拍多啲戲,不過就謝絕色情、性感戲分,自己接受唔到。」

Jackie除了演戲外,最近仲做埋節目主持,好似《香港範》時裝潮流節目,分享衣著心得。

Jackie參加上海「瑞麗之星」比賽入行,入行後拍過不少廣告,好似最近的隱形眼鏡廣告。



鍾意就快D Share啦!