全城熱爆的娛樂八封新聞 & 時事趣聞 & 生活 + 趣聞
李彩華特登行利園附近嘅街舖，貪嗰度啲衫款同鞋比較成熟，啱番阿媽。
06年開始北上發展嘅李彩華（ Rain），雖然長期漂泊於唔同省份，但出名孝順媽咪嘅佢，返親香港都唔會掛住拍拖唔理媽咪。
呢排 Rain專程返港陪媽咪過年，仲帶老人家去銅鑼灣 shopping㖭。媽咪姐聽到佢猛叫媽咪：「揀啱咪試嚇啦，唔好理幾錢。」心情靚爆，鬼咁疏爽。難怪傳佢同汽車美容公司老闆 Thomas Lee拍拖啦！不過兩母女左睇右睇，翻轉人哋間 shop都揀唔啱，最後空手而回。啱嘅， shopping同揀男友老公一樣，唔使急㗎。心急只會揀錯嘢嘛。
Rain沿途不時講電話，睇嚟「戀情」發展得唔錯喎！
早前緋聞男友 Thomas Lee嘅汽車美容公司新店開張， Rain做剪綵嘉賓，兩個人怕怕醜醜咁， so sweet。
李彩華舊愛王傲山上年 1月先同有線女主播劉明軒結婚，但最近傳離婚， Rain只回應一句：「咁快？」係囉，咁當初咁急結婚為咩呢。
