2月 12日早上 10:30 天寒地凍
天寒地凍的一個早上，頭戴黑色 CAP帽的劉家輝，身上除披了灰色圍巾外，還有綠色格仔毛毯保暖，並由助護及樊奕敏（右）陪同下現身伊利沙伯醫院，劉家輝眼仔睩睩精神不錯。
娛樂喧
積蓄耗盡 劉家輝輪街症 翁靜晶泯恩仇出手：我會幫佢！
三年前劉家輝（原名冼錦熙）因中風導致右邊身癱瘓，對他造成很大打擊。其間前助手兼前委託人 Eva私吞近 200萬鬧上法庭，官司 4月會再開審，劉家輝有望取回他的血汗錢來改善其生活質素。
據知劉家輝為醫病幾乎耗盡多年積蓄，早前他遷入租金較平的護老院，令每月 10萬元開支縮減至 5萬。由於老婆與一對仔女不肯搬離其唯一物業，亦不願照顧他，故劉家輝至今仍未能賣樓套現。上周三（ 12日），本刊發現坐輪椅的劉家輝，要到伊利沙伯公立醫院排隊輪候睇醫生。
當年劉家輝因大爆劉家良病重而激怒其妻翁靜晶，估不到翁靜晶竟泯恩仇伸出援手，總算人間有情。
過去半年， 58歲劉家輝因家庭糾紛，及與前助手的錢財官司困擾，精神及健康狀況亦深受影響。幸好身邊有很多要好朋友鼓勵及照顧，當中出錢又出力的樊奕敏，更成為他的現任委託人。
去年本刊拍到樊奕敏接送劉家輝出外都是離不開食飯或嘆茶，但上周三（ 12日）卻發現劉家輝前往伊利沙伯公立醫院排隊輪候覆診。據其好友黃先生透露：「嗰日天氣都幾凍嚇，仲要咁早出門，對老人家的確好辛苦。不過冇法啦！依家為咗慳錢，家輝哥要睇公立，排幾個鐘先見到醫生。醫生話佢個腳部傷口復原得唔錯，唔使再食止痛藥，但要多做運動，家輝哥仲行咗幾步路俾醫生睇㖭。」劉家輝離開醫院時，本刊記者更目擊他用力企起身試枴杖，面色不錯，胃口亦很好，相信他正在康復中。
削減每月開支
過去每月十萬的龐大開支，實在令劉家輝難以負擔。月前他搬離老人院，入住較平的護老院，兩名私家看護亦削減至一個。
雖然劉家輝手持堅道一個市值 800萬的唐樓單位，但他的第二任妻子及兩名子女仍在上址居住，無意接他回家休養或照顧，亦不肯搬出，導致他收樓不成，套現計劃亦告吹。劉家輝惟有等 4月與前助手的官司再開審，有望取回血汗錢應急。
據知為解劉家輝財困，樊亦敏有意發起 fans籌款活動，以及安排劉返大陸生活。而與劉家輝不和的翁靜晶亦表示會出手相助。
翁靜晶放下仇怨
劉家輝是劉家良父親劉湛的乾兒子，早年劉家良入院，因劉家輝向傳媒大爆對方病重，令他與翁靜晶結下恩怨。不過劉家良人已去，翁亦放下舊仇，她在電話中說：「佢（劉家輝）之前話師傅冇得救死梗㗎喇！不過師傅好大方，唔記仇，既然佢都咁囉！咪幫得就幫。我都冇乜所謂喇！講錯就算啦！都過咗咁耐，我都嬲完，見佢依家咁慘算啦！」
劉家良早前於沙田寶福山上位，翁靜晶表示委託冼國林向邵氏追討 500萬電影花紅，冼國林為息事寧人，已自掏腰包捐了 500萬予劉家良基金會。翁靜晶表示「基金」仍待政府審批當中，而劉家輝確是基金幫助對象之一。她說：「如果劉家輝需要幫助，我會幫佢！但我依家冇機會見到佢，亦唔知道佢現況係點。要聯絡上有關人士先知下一步點做。」
今次翁靜晶除了冰釋前嫌，更表示會伸出援手。對於翁靜晶有意幫助劉家輝解困，本刊曾致電樊奕敏作了解，但截稿前仍未有回覆。
劉家輝當年衰多口
劉家輝少時瞞住雙親拜於劉家良父親劉湛名下，上契後與劉家良稱兄道弟，更改埋藝名叫劉家輝，正式成為劉家班一分子，在香港電影圈打滾。
2010年，劉家良因肺炎入院治療，有指劉家輝向傳媒說劉家良癌病復發兼病情嚴重。翁靜晶一怒之下，大鬧劉家輝別有用心，更澄清劉家輝與劉家良沒有血緣關係，劉家良只有一個親生弟弟劉家榮，而劉家輝絕非劉家人，無資格做代表，無資格發言。此後，雙方斷絕來往，去年劉家良去世，身在老人院的劉家輝傷心落淚。
|
鍾意就快D Share啦！
|
|
|